трамп шималий корейәгә йүргүзүлидиған ембаргониң үнүмидин гуманлинидиғанлиқини билдүрди

доналд трамп, б д т хәвпсизлик кеңишиниң шималий корейәгә йүргүзүшни қарар қилған йеңи ембаргосиниң үнүм йаритидиғанлиқидин гуманлинидиғанлиқини ейтти.

трамп шималий корейәгә йүргүзүлидиған ембаргониң үнүмидин гуманлинидиғанлиқини билдүрди

түркийә авази радийоси хәвири: америка қошма иштатлири пирезиденти доналд трамп, б д т  хәвпсизлик кеңишиниң шималий корейәгә йүргүзүшни қарар қилған йеңи ембаргосиниң үнүм йаритидиғанлиқидин гуманлинидиғанлиқини ейтти.

доналд трамп, америка қошма иштатлири тәрипидин тәййарланған тәклип лайиһәсиниң бирдәк қобул қилинишиниң «йахши әһвал» икәнликиниму сөзлиригә илавә қилди. у, малайшийа баш министири нәҗип разақ билән өткүзидиған учришиштин илгири мухбирларниң соаллириға җаваб бериш җәрйанида, б д т  хәвпсизлик кеңишиниң шималий корейәгә қошумчә ембарго йүргүзүш қарариға «бизниң қаришимизчә бу пәқәт кичиккинә бир қәдәм, унчивала муһим әмәс» дәп баһа бәрди.

доналд трамп сөзини давамлаштуруп, «буниң тәсири боламду? билмәймән. бирақ, 0 гә қарши 15 авазға еришишниң йахши әһвал икәнлики ениқ. бу ембарголар әң ахирида болуши керәк болған ишларға селиштурғанда һечнәрсә әмәс» дегәнләрни қәйт қилди.



مۇناسىۋەتلىك خەۋەرلەر