«tinchliqperwer»ang san suchi zulumgha süküt qilish bilen eyiblendi

xelqara kechürüm teshkilati bilen insan heqliri közitish teshkilati «tinchliqperwer»ang san suchini zulumgha süküt qilish bilen eyiblidi.

«tinchliqperwer»ang san suchi zulumgha süküt qilish bilen eyiblendi

türkiye awazi radiyosi xewiri: xelqara kechürüm teshkilati bilen insan heqliri közitish teshkilati birma tashqi ishlar ministiri we dölet ishliri ministiri ang san su chini arakanliq musulmanlar duch kéliwatqan zulumgha süküt qilish bilen eyiblidi.

birleshken döletler teshkilati omumiy kéngishide muxbirlarni kütüwélish yighini ötküzgen ikki ammiwi teshkilatning wekilliri, arakanliq musulmanlarning nöwettiki échinishliq weziyiti üstide alahide toxtilip xelqara jemiyetni derhal heriketke ötüshke chaqirdi.

xelqara kechürüm teshkilati kirizis bir terep qilish ishxanisi mudiri tirana hesen bangladishtin widio arqiliq ulinip birma armiyesi eskerlirining arakanliqlargha oq yaghdurghanliqlirini éytti.

arakanliq musulmanlarning yézilirining köydürüp tashlanghanliqini éytqan hesen mundaq dédi: «rohingyaliqlarning mewjudluqi bilen heq-hoquqliri pütünley inkar qilinmaqta.»

insan heqliri közitish teshkilati b b d mesuli loyis charbonné bolsa mundaq dédi: «rohingyaliqlar birmadin tamamen qoghlap chiqirilmaqta, bu irqiy qirghinchliqning gewdilik ipadiliridin hésablinidu, b d t xewpsizlik kéngishning birmadiki zorawnliq weqeliri üstide yépiq halette yighin échishi kargha kelmeywatidu, bu ehwal birma mesulliri bilen eskerlirige purset yaritip bériwatidu.»

yillarche nezer bend astida turghan ang san su chining qoyup bérilishi üchün zor küch chiqarghan bu ikki ammiwi teshkilatning wekilliri, nobél tinchliq mukapatigha érishken ang san su chini  arakanliq musulmanlar duch kéliwatqan zulumgha süküt qilip turuwélish bilen eyiblep, qattiq ümidsizlengenliklirini eskertishti.

birma armiyesining qoralliq militanlargha zerbe bérishni bahane qilip arakanliqlargha qilghan hujumlirida 25-awghusttin buyan hazirghiche minglarche arakanliq musulman ölgen bolsa, birma hökümitining arakangha kirip-chiqishqa ruxset qilmasliqi sewebidin arakanda ölgenlerning sanini toghra we toluq igilep chiqishning mumkin bolmwaywatqanliqi bildürülmekte.

hujumlarda 150din artuq yéza birma eskerliri bilen milletchi buddistlar teripidin köydürüp tashlandi, on minglarche arakanliq musulman bixeterlikni közde tutup rayondin qachti, birmadin qachqan arakanliq musulmanlar taghliq rayonlar, naf deryasi yaki déngiz arqiliq bangladishqa ketmekte, b d t ning bildürüshiche,  25-awghusttin buyan bangladishtin panahliq tiligenlerning sani 370 minggha yetken.



مۇناسىۋەتلىك خەۋەرلەر