hesine wejid: naf deryasi arakanliq musulmanlarning jesiti bilen toldi

bangladish bash ministiri sheyx hesine wejid birma armiyesining insan qilipidin chiqqan qilmishlirini qattiq eyiblidi.

hesine wejid: naf deryasi arakanliq musulmanlarning jesiti bilen toldi

türkiye awazi radiyosi xewiri: bangladish bash ministiri sheyx hesine wejid birmaning arakan rayonida yüz bergen weqeler üstide toxtilip: «naf deryasining üsti jesetler bilen toshti, bu pütünley insaniyetke xilap qilmishtur» dédi.

sheyx hesine wejid tünügün bangladishta panahlanghan arakanliq musulmanlar turushluq kutupalong lagérini ziyaret qildi.

hesine wejid lagérida qilghan sözide, birmaning kishilik hoquqni depsende qiliwatqanliqini bildürdi.

yüz bériwatqan zulum we qiyin–qistaq sewebidin özining qattiq azabliniwatqanliqini tilgha alghan hesine wejid: «bu qiyin–qistaqlarning sewebi zadi néme?  ular birmaning xelqi. milyonlighan insan öy makanliridin ayrildi, naf deryasining üsti er, ayal we kichik baliilarning jesetliri bilen toldi, bu pütünley insaniyetke xilap bir qilmish, bu qilmishlar eng chong depsendichiliktur» dédi.

hesine wejid birma hökümitini bu heriketlerni derhal toxtitishqa chaqirq qilip: «bu gunahsiz ösmürler, ayallar we insanlar zadi qandq gunah ötküzdi? bu xil heriketlerni qetiy qobul qilalmaymiz. insan qilipidin chiqqan bu xil pozitsiyelerge naraziliq bildürimen. birmaning öz puqralirini qayturup élish we ulargha turmushliri üchün bixeter yer belgilep bérish mesuliyiti bar» dédi.

birma armiyesining «qoralliq küchlerge qarshi küresh» dégenni bahane qilip, arakanda puqralargha qiliwatqan hujumliri bashlanghan 25 –awghust künidin buyan mingilghan musulman hayatidin ayrildi, birma hökümiti rayongha kirip - chiqishni chekligenliki sewebidin hayatidin ayrilghan puqralarning sani toluq éniqlanmay kelmekte.

hujumda 150 din artuq yéza birma armiyesi we irqchi buddistlar teripidin köydürüp tashlandi. on mingilighan arakanliq musulman jénini qoghdap qilish üchün hazirmu rayondin qéchip chiqishqa tirishmaqta.

birmadin qéchip chiqqan puqralar taghliq rayonlar yaki naf deryasi we yaki déngiz yoli arqiliq bangladishqa kelmekte.

birleshken döletler teshkilatining doklatida, 25–awghusttin buyan bangladishqa qéchip barghan panahlanghuchilar sanining 370 minggha yetkenliki bildürüldi. 


خەتكۈچ: bangladish , musulman , arakan

مۇناسىۋەتلىك خەۋەرلەر