һәсинә вәҗид: наф дәрйаси араканлиқ мусулманларниң җәсити билән толди

баңладиш баш министири шәйх һәсинә вәҗид бирма армийәсиниң инсан қилипидин чиққан қилмишлирини қаттиқ әйиблиди.

һәсинә вәҗид: наф дәрйаси араканлиқ мусулманларниң җәсити билән толди

түркийә авази радийоси хәвири: баңладиш баш министири шәйх һәсинә вәҗид бирманиң аракан районида йүз бәргән вәқәләр үстидә тохтилип: «наф дәрйасиниң үсти җәсәтләр билән тошти, бу пүтүнләй инсанийәткә хилап қилмиштур» деди.

шәйх һәсинә вәҗид түнүгүн баңладишта панаһланған араканлиқ мусулманлар турушлуқ кутупалоң лагерини зийарәт қилди.

һәсинә вәҗид лагерида қилған сөзидә, бирманиң кишилик һоқуқни дәпсәндә қиливатқанлиқини билдүрди.

йүз бериватқан зулум вә қийин–қистақ сәвәбидин өзиниң қаттиқ азаблиниватқанлиқини тилға алған һәсинә вәҗид: «бу қийин–қистақларниң сәвәби зади немә?  улар бирманиң хәлқи. милйонлиған инсан өй маканлиридин айрилди, наф дәрйасиниң үсти әр, айал вә кичик балииларниң җәсәтлири билән толди, бу пүтүнләй инсанийәткә хилап бир қилмиш, бу қилмишлар әң чоң дәпсәндичиликтур» деди.

һәсинә вәҗид бирма һөкүмитини бу һәрикәтләрни дәрһал тохтитишқа чақирқ қилип: «бу гунаһсиз өсмүрләр, айаллар вә инсанлар зади қандқ гунаһ өткүзди? бу хил һәрикәтләрни қәтий қобул қилалмаймиз. инсан қилипидин чиққан бу хил позитсийәләргә наразилиқ билдүримән. бирманиң өз пуқралирини қайтуруп елиш вә уларға турмушлири үчүн бихәтәр йәр бәлгиләп бериш мәсулийити бар» деди.

бирма армийәсиниң «қораллиқ күчләргә қарши күрәш» дегәнни баһанә қилип, араканда пуқраларға қиливатқан һуҗумлири башланған 25 –авғуст күнидин буйан миңилған мусулман һайатидин айрилди, бирма һөкүмити районға кирип - чиқишни чәклигәнлики сәвәбидин һайатидин айрилған пуқраларниң сани толуқ ениқланмай кәлмәктә.

һуҗумда 150 дин артуқ йеза бирма армийәси вә ирқчи буддистлар тәрипидин көйдүрүп ташланди. он миңилиған араканлиқ мусулман җенини қоғдап қилиш үчүн һазирму райондин қечип чиқишқа тиришмақта.

бирмадин қечип чиққан пуқралар тағлиқ районлар йаки наф дәрйаси вә йаки деңиз йоли арқилиқ баңладишқа кәлмәктә.

бирләшкән дөләтләр тәшкилатиниң доклатида, 25–авғусттин буйан баңладишқа қечип барған панаһланғучилар саниниң 370 миңға йәткәнлики билдүрүлди. 



مۇناسىۋەتلىك خەۋەرلەر