америка деңиз армийәси һәр қайси деңизлардики пүткүл һәрбий һәрикәтлирини тохтатти
америка деңиз армийәси деңиз һәрбий һәрикәтлири қомандани җон ричардсон, америка деңиз армийәсиниң һәр қайси деңизлардики пүткүл һәрбий һәрикәтлирини тохтатқанлиқини уқтурди.
түркийә авази радийоси хәвири: америка деңиз армийәси деңиз һәрбий һәрикәтлири қомандани җон ричардсон, <җон маккейн> намлиқ уруш парахоти учриған сингапур деңиз тәвәликидики түнүгүнки қазадин кейин, америкиниң дунйа миқйасидики пүткүл деңиз һәрбий һәрикәтлирини вақитлиқ тохтитип қойғанлиқини җакарлап, «бу йөнилиш техиму күчлүк тиришчанлиқ көрситишни тәләп қилиду. бу даиридә дунйа миқйасидики пүткүл деңиз армийәмизгә һәрбий һәрикәтләрниң тохтитилиши тоғрисида буйруқ чүшүрдүм» деди.
илгири сүрүлишичә, ричардсон нәзәрдә тутуватқан «йөнилиш» америка деңиз армийәси учраватқан қазалар икән.
USS John McCain намлиқ уруш парахоти түнүгүн сингапур деңиз тәвәликидә либерийә байрақлиқ бир нефит йөткәш парахоти билән соқулуп кетип, 10 деңизчиниң йоқап кәткәнлики, 5 деңизчиниң йариланғанлиқи билдүрүлгәниди.
мушуниңға охшаш бир қаза ийун ейида йүз бәргәниди؛ USS Fitzgerald намлиқ америка уруш парахоти йапонийә деңиз тәвәликидә бир йүк парахоти билән соқулуп кетип, 7 нәпәр америкилиқ деңизчи һайатидин айрилғаниди.
