marakesh padishahi yüzlerche mehbusni kechürüm qildi

türkiye awazi radiyosi xewiri: marakesh edliye ministirliqi yazma bayanat élan qilip, kechürüm qilinghanlarning ichidiki 14 mehbusning térrorluqqa chétishliq jinayetler bilen eyiblinip qamaqqa höküm qilinghanlar ikenlikini, bulardin 13 ining qamaq jazalirining bikar qilinghanliqini, birining ölüm jazasining 30 yilliq qamaq jazasigha aylandurulghanliqini bildürdi.

bayanatta, padishah teripidin kechürüm qilinghan térrorluq weqelirige chétishliq mezkur kishilerning 2003 – yili meydangha kelgen térrorluq weqelirige arilashqanliqi tüpeyli qamaqqa höküm qilinghanliqi qeyt qilindi.

marakeshning kazablanka shehiride 2003 – yili 16 – mayda meydangha kelgen térrorluq hujumlirida sekkizi yawropa ittipaqigha ellerning puqraliri, 12 hujumchi qoshulup, jemiy 42 adem hayatidin ayrilghan, onlarche adem yarilanghanidi. hujumdin kéyin selefi éqimigha mensup 3 minggha yéqin adem nazaret astigha élinip, her xil jazalargha höküm qilinghanidi.