ispaniyede yüz bergen hujum nurghun kishining jénigha zamin boldi

ispaniyening barsélona shehiride bir minibusning yol chétige chiqip ammini basturushi netijiside 13 kishi öldi, 100 kishi yarilandi.

ispaniyede yüz bergen hujum nurghun kishining jénigha zamin boldi

türkiye awazi radiyosi xewiri: kataloniye aptonom rayonining ichki ishlar ministiri jochuim fom yarilanghanlardin 15 ining ehwalining éghir ikenlikini, ölgenler sanining éship kétishidin endishe qiliniwatqanliqini éytti.

saqchi emeldari jozéf luiz trapéro hujum bilen chétishlliqi barliqi bilen eyiblinip 2 kishining qolgha élinghanliqini, bulardin birining marakeshlik, yene biririning tégi ispaniyening shimaliy afriqa zémini bolghan mélillaliq ispaniye puqrasi ikenlikini, weqedin kéyin minibus shopurining qachqanliqini bildürdi.

axbarat wasitiliri bolsa shopurning ismining dris oukabir ikenlikini ilgiri sürmekte  hemde yene bashqa bir qoralliqning bir réstorangha bésip kirip, kishilerni görüge éliwalghanliqini, saqchilarning uni qolgha chüshürgenlikini xewer qilmaqta.

weqe yüz bergen la ramblas sayahet rayonidiki poyiz we métro istansiliri taqaldi.

kataloniye aptonom rayonida 3 künlük matem élan qilindi.

bash wezir mariano rajoy ammiwi ortaqlishish tor béti Twitter  sehipiside élan qilghan bayanatida, dairiler bilen dawamliq alaqe ornitip turuwatqanliqlirini, yaridarlarni qutquzushning eng muhim xizmet küntertipige kirgüzülgenlikini, térroristlarning birlikni ishqa ashruralighan bir xelqni esla yoq qilalmaydighanliqini tekitlep mundaq dédi: «ispaniye döliti we xelqi hemishe hujumda ziyangha uchrighanlar we ularning aile tawabiatlirining yénida.»

jawabkarliqini térrorluq teshkilati daésh öz üstige alghan hujumdin kéyin, dunyaning herqaysi jayliridin ispaniyege teziye bayanatliri yaghmaqta.


خەتكۈچ: kataloniye , daésh , hujum , barsélona , ispaniye

مۇناسىۋەتلىك خەۋەرلەر