danfordning béyjingdiki bayanati diqqetni tartti

xitayda ziyarette boluwatqan amérika armiye bash ishtab bashliqi joséf danford shimaliy koréye bilen tinchliq ornitish éhtimaliningmu barliqini éytti.

danfordning béyjingdiki bayanati diqqetni tartti

türkiye awazi radiyosi xewiri: danford xitayning paytexti béyjingdiki ziyariti jeryanida axbarütchilargha bergen bayanatida, amérikining ishenchlik we ijra qilishqa bolidighan herbiy tallashlargha ige ikenliki heqqide agahlandurushta boldi. 

amérika armiye bash ishtab bashliqi joséf danford amérikining jenubiy koréye bilen ortaq maniwérini azaytish pilanining yoqluqini bildürüp,  «manga nisbeten oylinishqa bolmaydighan ish, herbiy tallash emes, belki shimaliy koréye rehbiri kim jong ünning amérikigha we rayongha tehdit bolidighan yadro balistik bashqurulidighan bomba tereqqiyatigha yol qoyushtur» dédi.

herbiy tallashning netijisi intayin qorqunchluq bolidighanliqini alahide tekitligen danford buning peqet siyasiy diyalog ornitish üchün yolgha qoyulghan déplomatik we iqtisadiy bésim netijisiz qalghan ehwaldila ishqa sénilidighanliqini éytti.

danford: «hazir mangidighan nurghun yol barliqigha ishinimen. biraq buni tinchliq asasida hel qilalaydighan bir yolda kétiwatmaqtimiz» dédi. 

aq sarayning bash istratégiye mutexessisi stéw bannon shimaliy koréye meslisini herbiy chare bilen hel qilghili bolmaydighanliqini éytqan idi.

jenubiy koréye dölet reisi mon jay inmu «koréye yérim arilida qayta hergizmu urush bolmaydighanliqini ishench bilen éytalaymen» dégen idi. 

amérika armiye bash ishtab bashliqi général joséf danford paytext béyjingda xitay armiye bash ishtab bashliqi fang fingxüy bilen körüshken bolup, donald tramp amérika pirézidéntliq wezipisini tapshurup alghandin buyan herbiy sahede élip bérilghan eng yuqiri derijilik bu ziyarette, ikki armiye otturisida yéngi bir uchur – alaqe méxanizmi üchün ramka kélishimi imzalanghanliqi bildürülgen idi.

xitay armiye bash ishtab bashliqi fang fingxüymu mensepdishi danford bilen birlikte chaqirghan axbarat élan qilish yighinida, pirézidént donald tramp bilen xitay dölet reisi shi jinpingning ikki armiye otturisidiki dostane ilgirileshlerni muzakirileshkenlikini bildürüp, bu hemkarliqning xitay bilen amérikigha nisbeten birdin bir toghra tallash ikenlikini hemde her ikki terepning mukemmel shérik bolidighanliqini ilgiri sürgen idi.

bu ariliqta amérika armiye bash ishtab bashliqi général joséf danford xitay dölet reisi shi jinping bilenmu körüshti.

 


خەتكۈچ: shimaliy koréye , xitay , amérika

مۇناسىۋەتلىك خەۋەرلەر