daéshning tizgini astidiki rayonda 50 kishi öldi

türkiye awazi radiyosi xewiri: süriyening sherqide térrorluq teshkilati daéshning tizgini astidiki deyrizur wilayitige qilinghan hujumda texminen 50 kishi öldi.

deyrizurning dablan rayonida turidighan paaliyetchi firas allawi mundaq dédi: «xelqara ittipaqdash qisimlirigha tewe ikenliki mölcherlengen üch ayropilan etigende rayonni bombardiman qildi, bu esnada déhqanlar ishqa kétiwatatti.»

hujumda eng az 50 kishining ölgenlikini éytqan allawi sözini dawamlashturup mundaq dédi:«ayropilanlar misket bombisigha oxshaydighan bombilar bilen déhqanlar we ishchilarni élip mangghan aptomobillarni hujum nishani qildi. ölgen we yarilanghanlar ichide bala we ayallarmu bar. yarilanghanlar rayondiki doxturxanigha yatquzuldi.»