engliye bilen yawropa ittipaqi muzakirilerni bashliwetti

engliye bilen yawropa ittipaqi engliyenng yawropa ittipaqidin ayrilip chiqish qarari üstide muzakirilerni bashliwetti.

engliye bilen yawropa ittipaqi muzakirilerni bashliwetti

türkiye awazi radiyosi xewiri: engliyening yawropa ittipaqidin ayrilip chiqish qarari toghruluq muzakire ötküzülüshke bashlidi.

engliyedin déywi déywis bilen yawropa ittipaqi wekili mishél barniyé engliyening yawropa ittipaqidin ayrilip chiqish qarari üstide muzakire ötküzüsh üchün bélgiyening paytexti biryussélda körüshti.

yawropa ittipaqining engliyening burunqi wediliridin tüpeyli yawropa ittipaqigha 60 milyard yawroliq chiqim tölishi lazimliqini küntertipke élip kélishi muzakirilerdiki eng bash aghritidighan mesililerdin biri ikenliki bildürüldi.

engliyede yashawatqan yawropa ittipaqi puqraliri bilen yawropa ittipaqi döletliride yashawatqan engliyeliklerning ehwali we shimaliy irlandiye bilen irlandiye jumhuriyiti otturisidiki chégra mesilisimu ixtilapliq mesililerdin ikenliki eskertildi.

bultur iyunda ötküzülgen référandumda yawropa ittipaqidin ayrilip chiqishni qarar qilghan engliye, lizbon ehdinamisining 50-maddisining rohiy boyiche yawropa ittipaqidin ayrilip chiqish xizmitini resmiy bashliwetkenidi.


خەتكۈچ: yawropa ittipaqi , engliye

مۇناسىۋەتلىك خەۋەرلەر