русийә америкини сүрийәдә дәмәшиқниң мақуллуқини елип һәрикәт қилишқа чақирди

русийә ташқи ишлар министири сергей лавров, америка қошма иштатлирини сүрийәниң мақуллуқини алмай туруп, бир тәрәплимә һалда һәрикәтләрни елип бериштин йирақ турушқа чақирди.

русийә америкини сүрийәдә дәмәшиқниң мақуллуқини елип һәрикәт қилишқа чақирди

түркийә авази радийоси хәвири: русийә ташқи ишлар министири сергей лавров, бейҗиңда чақирилған алтун кесәк дөләтлири ташқи ишлар министирлири учришишидин кейин өткүзүлгән мухбирларни күтүвелиш йиғинида, америка башчилиқидики бирләшмә қисимларниң раққәдә сүрийә армийәсиниң бир айропиланини чүшүрүветиши тоғрисида тохтилип, «сүрийәдә йүз бәргән ишлар тоғрисида тохтилидиған болсақ, сүрийәниң мустәқиллиқи вә земин пүтүнликигә һөрмәт қилиниши лазим. қуруқлуқтики һәр қандақ бир һәрикәт үчүн, дәмәшқниң мақуллуқи елиниши керәк» дегәнләрни қәйт қилди.

русийә, иран вә түркийәниң астана мусаписигә алақидар тәклипләрдә сүрийә һөкүмити билән келишкәнликиниму тәкитлигән лавров, «пүткүл тәрәпләр мушундақ һәрикәт қилиши керәк. сүрийәдики бихәтәр районлар, илгириләш һасил қилиш үчүн, мувапиқ таллашларниң бири. америка қошма иштатлири вә сүрийәдә әскәр йаки данишмәнлири бар барлиқ тәрәпләрни һөкүмәтниң мақуллуқи билән қилған хизмәтлиримизгә маслишишқа чақиримиз» деди.



مۇناسىۋەتلىك خەۋەرلەر