musapirlar kirizisi wehiymlik derijige bérip yetti

birleshken döletler teshkilati musapirlar aliy komissarliqi musapirlar kirizisining wehiymlik derijige bérip yetkenlikini bildürdi.

musapirlar kirizisi wehiymlik derijige bérip yetti

türkiye awazi radiyosi xewiri: birleshken döletler teshkilatining bildürüshiche, eng köp musapir qobul qilghan dölet türkiye iken.

birleshken döletler teshkilati aliy komissarliqi dunya miqiyasida urush we zorawanliq weqeliri tüpeyli yurt-makanlirini tashlap kétishke mejbur bolghan kishilerning sanining barghanche köpiyip bériwatqanliqini uqturdi.

komissarliqning bildürüshiche, bultur öz dölitide urush sewebidin öy-makanlirini tashlap kétishke mejbur bolghanlarning sani 400 milyon 300minggha yetken bolsa, dölet sirtigha qachqanlarning sanimu bultur yil axirida 22 milyon 500 minggha yetken.

özge döletlerdin resmiy siyasiy panahliq tiligenlerning sani 2milyon 800 ming etrapida iken, bundaq bolghanda her bir minutta 20kishi musapirliq salahiyitige chüshüp qalidu.

bultur dunya miqiyasida musapirliq salahiyitige chüshüp qalghanlarning sani 2015-yiligha sélishturghanda 300ming ashqan.

birleshken döletler teshkilati musapirlar aliy komissarliqi bultur türkiyede texminen 2 milyon 900ming musapirning barliqini we türkiyening dunya boyiche eng köp musapirning halidin xewer éliwatqan dölet ikenlikini uqturdi.

türkiyedin qalsa pakistan 1 milyon 400ming musapirgha, liwiye bolsa texminen bir milyon musapirgha sahibxanliq qilmaqta.

komissarliqning bildürüshiche, süriyedin 5 milyon 500 kishi, afghanistandin 2 milyon 500ming kishi, sudandin 1 milyon 400mng kishi bashqa döletlerge köchüp kétishke mejbur bolghan, bu musapirlarning köp qismini balilar teshkil qilidighan bolup, ular bekrek tereqqiy qiliwatqan döletlerdin siyasiy panahliq tilimekte.

komissarliq aliy mesuli filippo girandi  yershari xaraktérlik mesilige aylanghan musapirlar kirizisining barghanche éghirliship bériwatqanliqini alahide eskertti.

girandi yene dunyani musapirlargha ige chiqishqa chaqirip toqunush we urushlarning aldini élish üchün ünümlük tedbirlerning élinishi we konkrét qedemlerning tashlinishi lazimliqini bildürdi.



مۇناسىۋەتلىك خەۋەرلەر