мусапирлар киризиси вәһиймлик дәриҗигә берип йәтти

бирләшкән дөләтләр тәшкилати мусапирлар алий комиссарлиқи мусапирлар киризисиниң вәһиймлик дәриҗигә берип йәткәнликини билдүрди.

мусапирлар киризиси вәһиймлик дәриҗигә берип йәтти

түркийә авази радийоси хәвири: бирләшкән дөләтләр тәшкилатиниң билдүрүшичә, әң көп мусапир қобул қилған дөләт түркийә икән.

бирләшкән дөләтләр тәшкилати алий комиссарлиқи дунйа миқийасида уруш вә зораванлиқ вәқәлири түпәйли йурт-маканлирини ташлап кетишкә мәҗбур болған кишиләрниң саниниң барғанчә көпийип бериватқанлиқини уқтурди.

комиссарлиқниң билдүрүшичә, бултур өз дөлитидә уруш сәвәбидин өй-маканлирини ташлап кетишкә мәҗбур болғанларниң сани 400 милйон 300миңға йәткән болса, дөләт сиртиға қачқанларниң саниму бултур йил ахирида 22 милйон 500 миңға йәткән.

өзгә дөләтләрдин рәсмий сийасий панаһлиқ тилигәнләрниң сани 2милйон 800 миң әтрапида икән, бундақ болғанда һәр бир минутта 20киши мусапирлиқ салаһийитигә чүшүп қалиду.

бултур дунйа миқийасида мусапирлиқ салаһийитигә чүшүп қалғанларниң сани 2015-йилиға селиштурғанда 300миң ашқан.

бирләшкән дөләтләр тәшкилати мусапирлар алий комиссарлиқи бултур түркийәдә тәхминән 2 милйон 900миң мусапирниң барлиқини вә түркийәниң дунйа бойичә әң көп мусапирниң һалидин хәвәр еливатқан дөләт икәнликини уқтурди.

түркийәдин қалса пакистан 1 милйон 400миң мусапирға, ливийә болса тәхминән бир милйон мусапирға саһибханлиқ қилмақта.

комиссарлиқниң билдүрүшичә, сүрийәдин 5 милйон 500 киши, афғанистандин 2 милйон 500миң киши, судандин 1 милйон 400мң киши башқа дөләтләргә көчүп кетишкә мәҗбур болған, бу мусапирларниң көп қисмини балилар тәшкил қилидиған болуп, улар бәкрәк тәрәққий қиливатқан дөләтләрдин сийасий панаһлиқ тилимәктә.

комиссарлиқ алий мәсули филиппо гиранди  йәршари характерлик мәсилигә айланған мусапирлар киризисиниң барғанчә еғирлишип бериватқанлиқини алаһидә әскәртти.

гиранди йәнә дунйани мусапирларға игә чиқишқа чақирип тоқунуш вә урушларниң алдини елиш үчүн үнүмлүк тәдбирләрниң елиниши вә конкрет қәдәмләрниң ташлиниши лазимлиқини билдүрди.



مۇناسىۋەتلىك خەۋەرلەر