firansiye pirézidénti makron parlaméntta yuqiri awazgha ige boldi

firansyede ikkinchi qétimliq muddettin burun ötküzülgen omumiy saylam axirlashti. makron rehberlikidiki jumhuriyet yürüsh herikiti partiyesi mutleq üstünlükke ige boldi.

firansiye pirézidénti makron parlaméntta yuqiri awazgha ige boldi

türkiye awazi radiyosi xewiri: firansiyede ikkichi qétimliq muddettin burun ötküzülgen saylamda, resmiy bolmighan netijilerge asaslanghanda, pirézidént émanüél makron saylamda ghelibe qilghan. makron rehberlikidiki jumhuriyet yürüsh herikiti (REM) bilen saylamda ittipaqlashqan démokratiye herikiti (MODEM) parlaméntta köp orunni qolgha keltürgen.

bildürülishiche, jumhuriyet yürüsh herikitining 577 kishilik parlaméntta 350 din artuq orungha ige bolushi kütülmekte iken. bundaq bolghanda, pirézidént makron saylamda wede bergen iqtisadiy we ijtimaiy islahatlarni emelge ashurush üchün san jehette üstünlükni qolgha keltürgen bolidiken.

ashqun ongchilar bilen ashqun solchilar saylamda utturup qoydi. ashqun ongchi guruppining wekili marin löpén siyasiy hayatida tunji qétim parlamént ezasi bolup saylandi.

saylighuchilarning %55 tin köpreki bélet tashlimighan bolup, bu firansiye tarixidiki eng töwen omumiy saylamgha qatnishish nisbiti bolup qaldi.  



مۇناسىۋەتلىك خەۋەرلەر