фирансийә пирезиденти макрон парламентта йуқири авазға игә болди

фирансйәдә иккинчи қетимлиқ муддәттин бурун өткүзүлгән омумий сайлам ахирлашти. макрон рәһбәрликидики җумһурийәт йүрүш һәрикити партийәси мутләқ үстүнлүккә игә болди.

фирансийә пирезиденти макрон парламентта йуқири авазға игә болди

түркийә авази радийоси хәвири: фирансийәдә иккичи қетимлиқ муддәттин бурун өткүзүлгән сайламда, рәсмий болмиған нәтиҗиләргә асасланғанда, пирезидент еманүел макрон сайламда ғәлибә қилған. макрон рәһбәрликидики җумһурийәт йүрүш һәрикити (REM) билән сайламда иттипақлашқан демократийә һәрикити (MODEM) парламентта көп орунни қолға кәлтүргән.

билдүрүлишичә, җумһурийәт йүрүш һәрикитиниң 577 кишилик парламентта 350 дин артуқ орунға игә болуши күтүлмәктә икән. бундақ болғанда, пирезидент макрон сайламда вәдә бәргән иқтисадий вә иҗтимаий ислаһатларни әмәлгә ашуруш үчүн сан җәһәттә үстүнлүкни қолға кәлтүргән болидикән.

ашқун оңчилар билән ашқун солчилар сайламда уттуруп қойди. ашқун оңчи гуруппиниң вәкили марин лөпен сийасий һайатида тунҗи қетим парламент әзаси болуп сайланди.

сайлиғучиларниң %55 тин көпрәки беләт ташлимиған болуп, бу фирансийә тарихидики әң төвән омумий сайламға қатнишиш нисбити болуп қалди.  



مۇناسىۋەتلىك خەۋەرلەر