boko haram nigériyeni qangha boyidi

nigriyening maydurguri shehirining oxshimighan jaylirida boko haram teshkilati adem bomba sadir qilip nurghun kishining jénigha zamin boldi.

boko haram nigériyeni qangha boyidi

türkiye awazi radiyosi xewiri: nigériyede térrorluq teshkilati boko haram militanliri sadir qilghan adem bomba hujumlirida 16 kishi öldi, 8 kishi yarilandi.

dölet médiyasida élan qilinghan xewerge asaslanghanda, nigériyening sherqiy shimaligha jaylashqan borno wilayitige qarashliq maydurguri shehirining oxshimighan jaylirida boko haram militanliri teripidin adem bomba hujumliri sadir qilinghan.

nigériye döletlik tebiiy apet we jiddiy ehwallargha taqabil turush agéntliqi mesuli abdulqadir ibrahim bu heqte bayanat bérip, adem bomba sadir qilghuchilirining hemmisining ayal ikenlikini éytti.

nigériyede 2000-yillarning béshida bash kötürgen boko haram teshkilati, kattibéshi muhemmed yusufning nazaret astidiki waqtida öltürülüshidin kéyin, 2009-yili kolléktip zorawanliq weqeliri sadir qilishqa bashlidi.

teshkilatning hujumliri tüpeyli her yili yüz minglarche kishi yurt-makanlirini tashlap kétishke mejbur bolmaqta.



مۇناسىۋەتلىك خەۋەرلەر