боко һарам нигерийәни қанға бойиди

нигрийәниң майдургури шәһириниң охшимиған җайлирида боко һарам тәшкилати адәм бомба садир қилип нурғун кишиниң җениға замин болди.

боко һарам нигерийәни қанға бойиди

түркийә авази радийоси хәвири: нигерийәдә террорлуқ тәшкилати боко һарам милитанлири садир қилған адәм бомба һуҗумлирида 16 киши өлди, 8 киши йариланди.

дөләт медийасида елан қилинған хәвәргә асасланғанда, нигерийәниң шәрқий шималиға җайлашқан борно вилайитигә қарашлиқ майдургури шәһириниң охшимиған җайлирида боко һарам милитанлири тәрипидин адәм бомба һуҗумлири садир қилинған.

нигерийә дөләтлик тәбиий апәт вә җиддий әһвалларға тақабил туруш агентлиқи мәсули абдулқадир ибраһим бу һәқтә байанат берип, адәм бомба садир қилғучилириниң һәммисиниң айал икәнликини ейтти.

нигерийәдә 2000-йилларниң бешида баш көтүргән боко һарам тәшкилати, каттибеши муһәммәд йусуфниң назарәт астидики вақтида өлтүрүлүшидин кейин, 2009-йили коллектип зораванлиқ вәқәлири садир қилишқа башлиди.

тәшкилатниң һуҗумлири түпәйли һәр йили йүз миңларчә киши йурт-маканлирини ташлап кетишкә мәҗбур болмақта.



مۇناسىۋەتلىك خەۋەرلەر