daésh 100 mingdin artuq puqrani janliq qalqan qiliwaldi

birleshken döletler teshkilati musapirlar aliy komitétining iraq wekili bruno géddo musulda térrorluq teshkilati daéshning 100 mingdin artuq puqrani janliq qalqan qiliwalghanliqini éytti.

daésh 100 mingdin artuq puqrani janliq qalqan qiliwaldi

türkiye awazi radiyosi xewiri: birleshken döletler teshkilatining jenwediki ish béjirish ornida ötküzülgen axbarat élan qilish yighinida, térrorluq teshkilati daésh mensuplirining özlirini qoghdash üchün 100 mingdin artuq puqrani sheherning gherbidiki «qedimiy kent» ke élip ketkenlikini eskertken géddo, bu puqralarning janliq qalqan süpitide ishlitilgenlikini, shunga musuldiki insanlarning ehwalining tolimu xewplik ikenlikini éytti.

puqralarning tutup turuluwatqan jayda toqunushlarning otturisida we qattiq qorqunch ichide qalghanliqini eskertken géddo, rayonda yémek – ichmekning tügep ketkinlikini, puqralargha su we tok bérilmigenlikini eskertish bilen bir waqitta, térrorluq teshkilati daéshqa mensup mergenlerning qéchishqa urunghan puqralarni öltüridighanliqini, bir amalini qilip qéchip kételigenlerningmu rohiy zerbige uchrawatqanliqini tekitlidi.



مۇناسىۋەتلىك خەۋەرلەر