ترامپ پەلەستىن زىيارىتىنى باشلىدى
ئامېرىكا قوشما ئىشتاتلىرى پىرېزىدېنتى دونالد ترامپ ئىسرائىلىيەگە قاراتقان بىر كۈنلۈك زىيارىتىنى ئاخىرلاشتۇرۇپ پەلەستىن تەرەپكە ئۆتتى.
737486
تۈركىيە ئاۋازى رادىيوسى خەۋىرى: ئامېرىكا قوشما ئىشتاتلىرى پىرېزىدېنتى دونالد ترامپ ئىسرائىلىيەگە قاراتقان بىر كۈنلۈك زىيارىتىنى ئاخىرلاشتۇرۇپ، بۈگۈن ئىشغال ئاستىدىكى غەربىي قىرغاقنىڭ بەيتۇللاھىم شەھىرىگە بېرىپ، پەلەستىن دۆلەت رەئىسى مەھمۇد ئابباس بىلەن كۆرۈشتى.
بۈگۈن ئەتىگەن قۇددۇستىن بەيتۇللاھىم تەرەپكە ئۆتكەن ترامپنى قارشى ئېلىش مۇراسىمىغا پەلەستىن دۆلەت رەئىسى مەھمۇد ئابباس ۋە باش مىنىستىر رامى ئەلھەمدۇللاھ بىلەن پەلەستىنلىك يۇقىرى دەرىجىلىك ئەمەلدارلار ئىشىتراك قىلدى.
ترامپ بىلەن ئابباسنىڭ ئايرىم ئۇچرىشىشىدىن كېيىن قوشما مۇخبىرلارنى كۈتۈۋېلىش يىغىنى ئۆتكۈزۈلىدىغانلىقى ئۇقتۇرۇلدى.
مەھمۇد ئابباس تۈنۈگۈن پەلەستىن دۆلەت تېلېۋىزىيە قانىلىدا سۆز قىلىپ، «پەلەستىن داۋامىمىزنى داۋاملاشتۇرۇلۇش ۋە ئۇنىڭغا چارە تېپىش بىزنىڭ ۋەزىپىمىزدۇر» دېگەنىدى.
