obama: sh d ning 21- esirde orni yoq
amérika pirézidénti obama, iraq sham islam döliti teshkilati amérikiliq muxbir jéyms foliyni öltürüp tashlighandin kéyin mexsus bayanat élan qildi.
amérika qoshma ishtatliri pirézidénti barak obama, iraq sham islam döliti( sh d) ning jéyms foliy isimlik muxbirni öltürüwétishi munasiwiti bilen bayanat élan qildi.
obama, öltürüwétilgen muxbir jéyms foliy üchün qayghurghanliqlirini, iraq sham islam dölitige qarshi küreshlirining dawam qilidighanliqini élan qildi. teshkilatni bir rak hujeyrisige oxshatqan obama, iraq sham islam dölitining 21- esirde ornining yoqluqini qeyt qildi we pütün dunya jamaetchilikidin iraq sham islam dölitige qarshi küreshte özliri bilen bir septe turushlirini telep qildi.
birleshken döletler teshkilati bash katipi ban kimun, muxbir foliyning öltürülüshini éghir shekilde eyibleydighanliqini bildürdi.
buningdin ikki yilgha yéqin ilgiri suriyede wezipe ötesh jeryanida tutup kétilgen foliyning iraq sham islam döliti teripidin öltürülgen chaghda élinghan sin körünüshliri intérnétte tarqitilghanidi.
