türkiye awazi radiosi heqqide


qisqiche tarixi

 

türkiyening tünji qétimliq sirtqa qarita radio anglitishi 1937-yili 1-ayning 8-küni enqere radio istansisidin bashlandi. mezkur anglitish hatay mesilisige qaritilghan bolup, bash ministér smet inönüning munasiwetlik nutqi erebchige terjime qilinip anglitildi. mezkur anglitish süriye, skendrun we etirapida öz tesirini körsitishi netijiside, stanbul radiosidin «erebche hawadisler» namliq programma anglitilishqa bashlidi. hatay mesilisi hel bolghandin kéyin séstimiliq bolmighan bu anglitishlargha xatime bérildi.

türkiye radiolirida séstimiliq halda sirtqa qarita anglitish xizmiti 1938- yili 10-ayning 28- küni 20 kilowatliq dolqun tarqitish apparati bilen türkche, ingilizche, fransuzche we nimische qatarliq töt xil tilda bashlandi. 2- dunya urushi mezgilide «qisqa dolqunluq enqere radiosi» biterep anglitishliri bilen dunya radioliri arisida ammining déqqitini tartti. 1943-, 1949- yilliri arisida amérika, gherbiy yawrupa, sherqiy asiya we awistiraliye ellirige anglitish imkaniyiti tughuldi.

1949- we 1958- yilliri sirtqa anglitish xizmetliridiki muhim bir basquch bolup, bu mezgilde türkiye shimaliy atlantik ehdi teshkilatigha eza boldi. chawshiyen urushigha qatnashti. gherb dunyasi bilen bolghan munasiwetliri tereqqiy qildi. qurulghinidin bashlap «qisqa dolqunluq enqere radiosi» nami bilen élip bérilghan sirtqa anglitishlar 1963- yildin bashlap «türkiye awazi» nami bilen anglitilishqa bashlidi. türkiye awazi radiosi 1964-yili 1-mayda qorulush bilen birge TRT dairisi ichide yéngi bir qorulush süpitide anglitilishqa bashlidi. bügünki künde türkiye radio-téléwiziye idarisining sirtqa qaritilghan radio anglitishliri türkiye awazi teripidin anglitilidu.


türkiye awazi

sirtqa anglitish merkizining qarmiqidiki türkiye awazi ( VOT), her küni türkche, némische, erebche, albanche, ezeriyche, boshnaqche, bulgharche, xenzuche, dariche, parische, fransuzche, gruzinche, hirwatche, ingilizche, ispanche, italiyanche, qazaqche, qirghizche, hongarche, makidunche, özbikche, pushtuche, romaniyche, rusche, sribche, tatarche, türkmenche, orduche, yunanche we uyghurche bolup jemiy 30 xil tilda anglitish béridu. türkiye awazi anglitishliri, qisqa dolqun tarqitish apparatliri, suniy hemra we tor arqiliq pütün dunyagha yetküzilidu. türkiye awazi yerlik FM dolqun qanili wastisi bilenmu anglitish dairisini tereqqiy qildurup, anglighuchilirigha téximu yéqinlishish we anglitishlirida yerlik mezmunni köpeytish üchün tirishchanliq körsetmekte. biterep, ishenchlik we axbaratchiliqta tiz xewer tarqitish prinsipini asas qilghan türkiye awazi, her qatlamdin oxshimighan yashtiki anglighuchilirigha xitap qilghan xilmu xil we rengdar programmiliri bilen anglitishlirini tereqqiy qildurmaqta we dunyaning eng ishenchlik uchur menbiiy bolush ornini mustehkemlimekte. xewerler we xewer programmiliri bilen birlikte medeniyet-senet we muzika programmiliri asas qilinghan anglitishlarda, türkiye we türk milliti her jehettin tonitilidu. türkiyening rayun xaraktérliq hemkarliqlirini muhim téma qilghan, xoshniliri bilen bolghan yaxshi munasiwetlirini tereqqiy qildurushqa munasiwetlik siyasetlirige maslashqan halda, anglitishlirida tinchliq we medeniy hemkarliq témilirini ilgiri süridu.