t r t xewiri

TRT xewiri

TRT xewirining meqset – nishani

TRT xewiri dölet ichi we dunyadiki tereqqiy qilghan qtisadiy, bilim, téxinik, senet we medeniyet paaliyetliri heqqide xelq ammisinng izchil, toghra, tiz we toluq xewerdar bolishini hemde keng dairilik démokratiyige we qanunning üstünlikige uyghun halda toghrini bilelishini, saghlam we erkin halda öz qarishini ipadiliyelishini, shundaqla démokiratik jemiyette köp sanliqning tekitlinishni ishqa ashurush bilen birge, munazire we perqliq qarashlarning shekillinishige imkan yaritip béridighan noqtiliq témilarda, xilmu xil tehlil qilinghan meslilerde amminng waqiplandurilishigha yardemde bolushni meqset qilidu.

xewerchilik prinsipliri:
  1. xewer we weqelerni tiz we toghra bir shekilde yetküzüsh, waqti kelgende türkiiyege munasiwetlik muhim bolghan ichki we tashqi weqeler heqqide mutexessis shexs yaki kishilerning tehlil élip bérishini ishqa ashurush.
  2. türkiye jumhuriyitining milliy hemkarliqi we adalet chüshenchisini chöridigen halda, kishilik hoquqqa hörmet qilidighan démokiratik, din bilen siyaset ayriwétilgen ijtimaiy qanun döliti ghayisini küchlendüridighan qarashlargha keng dairide orun bérish.
  3. türkiyede, türk döliti we xelqlirige, shundaqla dunyada meydangha kelgen weqelerge dair xewer-axbaratlargha zamaniwiy xewerchilik chüshenchisi bilen, biterep halda orun birish. muhim weqelerning tekitlinishi üchün ishlengen xewer-programmilarni teyyarlash, xelq ammisi arisida xata chüshenche peyda qilidighan, jemiiyet tertiwini buzidighan xewer we xewer-progirammilargha orun bermeslik.
  4. qanun dairiside, qanunluq idare we teshkilatlar arisida ayrimchiliqtin xaliy biterep bolush, toghra we téz bolush prinsiplirigha uyghun shekilde mexsus xewerlerni we xewer programmilarni imkan qeder radio üchün ayrim, téléwizor üchün ayrim teyyarlash.
  5. döletning siyasy, iqtisadiy we ijtimaiy xaraktérlik paaliyetliri heqqide, puqralarning qarishinimu ekis ettürgen programmilargha orun bérish.
  6. xelqara axbarat organliri bilen bolghan munasiwetlerni tereqqiy qildurush bilen bir waqitta, tashqi menbelik xewerlerni yerlik axbarat agénitliqliri we TRT ge mensup xewer menbeliri bilen ispatlashqa térishish.
  7. TRTning mexsus xewerliri we xewer programmilirida, türkiye we pütün dunya bilen munasiwetlik bolghan shundaqla zamaniwiy jemiyet kishilirinng déqqitini tartidighan weqelerni keng ammigha biterep halda yetküzüsh.
  8. mexsus xewerlerde we xewer programmilirida, tarqitish wastilirinng alahidilikige uyghun shekilde chüshendürüsh métodlirini étibargha élish hemde mexsus xewerlerde, burun békitilgen qaidilerning ornigha muxbirlarning xewerlerni neq meydandin tarqitishini ishqa ashurush. téléwizurda körsitish, ünüm, girafik, resim we heriketke ehmiyet bérish. témigha munasiwetsiz körünüshlerni bermeslik, arxip körünüshliri qollinilghan ehwal astida, choqum «arxip» sözige orun bérish.
  9. xewerlerde tehlil we bahalargha orun bérish. mexsus témidiki xewer programmilarda, hazirqi weziyet we kélechektiki xelqara munasiwetlerge ziyan yetküzidighan siyasiylashqan we mueyyen idiologiylik bahalarni bermeslik, xewer we tehlil menbelirinng eskertilishige déqqet qilish.
  10. az sanliq kishilerge yaki kichik rayunlargha munasiwetlik échilish, ul sélish, diploma tarqitish qatarliq murasimlargha alaqidar xewerlerni teyyarlashta munasiwetlik xelqning nisbitini alahide nezerde tutush, hergizmu mubalighileshtürgüchi axbaratchiliq derijisige chüshüp qalmasliq.
  11. siyasiy xewer we xewer programmilarda bitereplik, obyéktipliq we yéngiliqiqa alahide ehmiyet bérish. siyasy partiyining bayanatliri qisqartilghan ehwal astida bolsa, izahatning meqsiti we négizini yoqatmasliq.
  12.  taq yölinishlik we terepbaz tarqitishlargha orun bermeslik. birer siyasiy partiyning yaki guruppining, menpeet, munasiwet, étiqad yaki chüshenchisi üchün oyunchuq bolup bermeslik. sot qarari bilen spatlanmighiche héchkimni jinayetchi qilip körsetmeslik we élan qilmasliq.
  13. siyasiy, iqtisadiy we ijtimaiy xaraktérlik mesililerge bolghan xelq inkasining ekis ettürilishi we keng xelqqe yetküzülishige térishish, ziyaret, metbuat, söhbet programmiliri qatarliqlargha orun bérish.