т р т хәвири

TRT хәвири

TRT хәвириниң мәқсәт – нишани

TRT хәвири дөләт ичи вә дунйадики тәрәққий қилған қтисадий, билим, техиник, сәнәт вә мәдәнийәт паалийәтлири һәққидә хәлқ аммисинң изчил, тоғра, тиз вә толуқ хәвәрдар болишини һәмдә кәң даирилик демократийигә вә қанунниң үстүнликигә уйғун һалда тоғрини биләлишини, сағлам вә әркин һалда өз қаришини ипадилийәлишини, шундақла демокиратик җәмийәттә көп санлиқниң тәкитлинишни ишқа ашуруш билән биргә, муназирә вә пәрқлиқ қарашларниң шәкиллинишигә имкан йаритип беридиған ноқтилиқ темиларда, хилму хил тәһлил қилинған мәслиләрдә амминң вақипландурилишиға йардәмдә болушни мәқсәт қилиду.

хәвәрчилик принсиплири:
  1. хәвәр вә вәқәләрни тиз вә тоғра бир шәкилдә йәткүзүш, вақти кәлгәндә түркиийәгә мунасивәтлик муһим болған ички вә ташқи вәқәләр һәққидә мутәхәссис шәхс йаки кишиләрниң тәһлил елип беришини ишқа ашуруш.
  2. түркийә җумһурийитиниң миллий һәмкарлиқи вә адаләт чүшәнчисини чөридигән һалда, кишилик һоқуққа һөрмәт қилидиған демокиратик, дин билән сийасәт айриветилгән иҗтимаий қанун дөлити ғайисини күчләндүридиған қарашларға кәң даиридә орун бериш.
  3. түркийәдә, түрк дөлити вә хәлқлиригә, шундақла дунйада мәйданға кәлгән вәқәләргә даир хәвәр-ахбаратларға заманивий хәвәрчилик чүшәнчиси билән, битәрәп һалда орун бириш. муһим вәқәләрниң тәкитлиниши үчүн ишләнгән хәвәр-программиларни тәййарлаш, хәлқ аммиси арисида хата чүшәнчә пәйда қилидиған, җәмиийәт тәртивини бузидиған хәвәр вә хәвәр-прогираммиларға орун бәрмәслик.
  4. қанун даирисидә, қанунлуқ идарә вә тәшкилатлар арисида айримчилиқтин халий битәрәп болуш, тоғра вә тез болуш принсиплириға уйғун шәкилдә мәхсус хәвәрләрни вә хәвәр программиларни имкан қәдәр радио үчүн айрим, телевизор үчүн айрим тәййарлаш.
  5. дөләтниң сийасй, иқтисадий вә иҗтимаий характерлик паалийәтлири һәққидә, пуқраларниң қаришиниму әкис әттүргән программиларға орун бериш.
  6. хәлқара ахбарат органлири билән болған мунасивәтләрни тәрәққий қилдуруш билән бир вақитта, ташқи мәнбәлик хәвәрләрни йәрлик ахбарат агенитлиқлири вә TRT гә мәнсуп хәвәр мәнбәлири билән испатлашқа теришиш.
  7. TRTниң мәхсус хәвәрлири вә хәвәр программилирида, түркийә вә пүтүн дунйа билән мунасивәтлик болған шундақла заманивий җәмийәт кишилиринң деққитини тартидиған вәқәләрни кәң аммиға битәрәп һалда йәткүзүш.
  8. мәхсус хәвәрләрдә вә хәвәр программилирида, тарқитиш вастилиринң алаһидиликигә уйғун шәкилдә чүшәндүрүш методлирини етибарға елиш һәмдә мәхсус хәвәрләрдә, бурун бекитилгән қаидиләрниң орниға мухбирларниң хәвәрләрни нәқ мәйдандин тарқитишини ишқа ашуруш. телевизурда көрситиш, үнүм, гирафик, рәсим вә һәрикәткә әһмийәт бериш. темиға мунасивәтсиз көрүнүшләрни бәрмәслик, архип көрүнүшлири қоллинилған әһвал астида, чоқум «архип» сөзигә орун бериш.
  9. хәвәрләрдә тәһлил вә баһаларға орун бериш. мәхсус темидики хәвәр программиларда, һазирқи вәзийәт вә келәчәктики хәлқара мунасивәтләргә зийан йәткүзидиған сийасийлашқан вә муәййән идиологийлик баһаларни бәрмәслик, хәвәр вә тәһлил мәнбәлиринң әскәртилишигә деққәт қилиш.
  10. аз санлиқ кишиләргә йаки кичик райунларға мунасивәтлик ечилиш, ул селиш, диплома тарқитиш қатарлиқ мурасимларға алақидар хәвәрләрни тәййарлашта мунасивәтлик хәлқниң нисбитини алаһидә нәзәрдә тутуш, һәргизму мубалиғиләштүргүчи ахбаратчилиқ дәриҗисигә чүшүп қалмаслиқ.
  11. сийасий хәвәр вә хәвәр программиларда битәрәплик, обйектиплиқ вә йеңилиқиқа алаһидә әһмийәт бериш. сийасй партийиниң байанатлири қисқартилған әһвал астида болса, изаһатниң мәқсити вә негизини йоқатмаслиқ.
  12.  тақ йөлинишлик вә тәрәпбаз тарқитишларға орун бәрмәслик. бирәр сийасий партийниң йаки гуруппиниң, мәнпәәт, мунасивәт, етиқад йаки чүшәнчиси үчүн ойунчуқ болуп бәрмәслик. сот қарари билән спатланмиғичә һечкимни җинайәтчи қилип көрсәтмәслик вә елан қилмаслиқ.
  13. сийасий, иқтисадий вә иҗтимаий характерлик мәсилиләргә болған хәлқ инкасиниң әкис әттүрилиши вә кәң хәлққә йәткүзүлишигә теришиш, зийарәт, мәтбуат, сөһбәт программилири қатарлиқларға орун бериш.