11.02.2019

bügünki chet el metbuatliridin tallap teyyarlighan muhim xewerlirimizning qisqiche mezmunliri töwendikiche:

11.02.2019

seudi erebistanda inglizche neshr qilinidighan «eshsherq elewsat» géziti, pelestindiki elfetih herikitining, seudi erebistan text warisi shahzadisining pelestinliklerning heq – hoquqlirini nezerge almaydighan herqandaq kélishimni ret qilidighanliqini washingtongha yetküzgenlikini bildürgenlikini xewer qildi.

qatarda chiqidighan «erraye elqatariyye» géziti, israiliyening iran xewpige qarshi behreyn , ereb birleshme xelipiliki we seudi erebistan bilen mexpiy alaqilerni ornatqanliqini yazdi.

ereb birleshme xelipilikide neshr qilinidighan «elémarat elyewm» géziti, afriqa döletlirining qedemlirini tézletken halda israiliye bilen bolghan munasiwetlirini normallashturushqa tirishiwatqanliqini xewer qildi.

gérmaniyening «Spiegel Online» xewerler tori, türkiyening, xitayning uyghurlargha qaratqan siyasitini eyibligenlikini yazdi.

gérmaniye awazi (DW), iranda islam inqilabining 40 – yilida özgirishke ayallarning yétekchilik qilghanliqini xewer qildi.

yene gérmaniyening «Focus Online» xewerler tori, türkiyening ashliq (bahasi) térrorizmigha qarshi tedbirlerni yolgha qoyghanliqi, erdoghan hökümitining méwe we otyashlarni xelqke biwasite sétishqa qarar qilghanliqi toghrisidiki uchurlarni oqurmenliri bilen ortaqlashti.

ispaniyede chiqidighan «El Mundo» géziti, ispaniyediki minglarche öktichining muddettin burun saylam ötküzülüshini telep qilip namayish ötküzgenlikini we bash ministir pédro sanchézning musteqilliq terepdarliri bilen muzakire ötküzüshige naraziliq bildürgenlikini yazdi.

ispaniyede chiqidighan «El Pais» géziti, trampning qarishiche, yamanliqlar üch bulungining wénézuéla, kuba we nikaraguadin ibaret ikenlikini qeyt qildi.

argéntinada chiqidighan «Clarin» géziti, maduroning wénézuélada 15 – féwralghiche dawamlishidighan herbiy manéwir bashlighanliqini xewer qildi.

rusiye «Tass» xewer agéntliqi, engliye mudapie weziri gawin wilyamsonning, <rusiye natogha eza döletlerge qarita namayan qiliwatqan küshkürtküchi heriketliri üchün éghir bedel tölishi kérek> dégenlikini yazdi.

rusiye «Ria Nowosti» xewer agéntliqi, rusiyening enqerede turushluq bash elchisi alékséy yérxowning <2018 – yilida rusiye bilen türkiye arisidiki soda hejimining kirizistin ilgiriki reqemlerdin halqip, 25 milyard 400 milyon dollargha yetkenliki> ni éytqanliqini xewer qildi.

rusiyede chiqidighan «izwéstiya» gézitining xewer qilishiche, «bixeterlik radari 2019» namliq elrayi netijilirige qarighanda, yawropada bir urushning yüz bérishidin hemmidin bek ruslar bilen ukrainaliqlar qorqidiken.

firansiyede chiqidighan «Liberation » géziti, parizhda sériq jilitkilik namayishchilardin birining qolining bedinidin ajrap ketkenlikini xewer qildi.

firansiyede chiqidighan «Le Figaro» géziti bolsa, 2015 – yili bash kötürgen köchmenler kirizisining gérmaniyeni dawalghutup qoyghanliqini yazdi.

yene firansiyede chiqidighan «Le Monde» géziti, firansiye bilen italiye arisidiki soghuqchiliqning qaytidin bash kötürgenliki toghrisidiki uchurlarni oqurmenliri bilen ortaqlashti.


خەتكۈچ: gézit , uyghurche , chet el , metbuat

مۇناسىۋەتلىك خەۋەرلەر