11.02.2019

бүгүнки чәт әл мәтбуатлиридин таллап тәййарлиған муһим хәвәрлиримизниң қисқичә мәзмунлири төвәндикичә:

11.02.2019

сәуди әрәбистанда инглизчә нәшр қилинидиған «әшшәрқ әләвсат» гезити, пәләстиндики әлфәтиһ һәрикитиниң, сәуди әрәбистан тәхт вариси шаһзадисиниң пәләстинликләрниң һәқ – һоқуқлирини нәзәргә алмайдиған һәрқандақ келишимни рәт қилидиғанлиқини вашингтонға йәткүзгәнликини билдүргәнликини хәвәр қилди.

қатарда чиқидиған «әррайә әлқатариййә» гезити, исраилийәниң иран хәвпигә қарши бәһрәйн , әрәб бирләшмә хәлипилики вә сәуди әрәбистан билән мәхпий алақиләрни орнатқанлиқини йазди.

әрәб бирләшмә хәлипиликидә нәшр қилинидиған «әлемарат әлйәвм» гезити, африқа дөләтлириниң қәдәмлирини тезләткән һалда исраилийә билән болған мунасивәтлирини нормаллаштурушқа тиришиватқанлиқини хәвәр қилди.

германийәниң «Spiegel Online» хәвәрләр тори, түркийәниң, хитайниң уйғурларға қаратқан сийаситини әйиблигәнликини йазди.

германийә авази (DW), иранда ислам инқилабиниң 40 – йилида өзгиришкә айалларниң йетәкчилик қилғанлиқини хәвәр қилди.

йәнә германийәниң «Focus Online» хәвәрләр тори, түркийәниң ашлиқ (баһаси) терроризмиға қарши тәдбирләрни йолға қойғанлиқи, әрдоған һөкүмитиниң мевә вә отйашларни хәлқкә биваситә сетишқа қарар қилғанлиқи тоғрисидики учурларни оқурмәнлири билән ортақлашти.

испанийәдә чиқидиған «El Mundo» гезити, испанийәдики миңларчә өктичиниң муддәттин бурун сайлам өткүзүлүшини тәләп қилип намайиш өткүзгәнликини вә баш министир педро санчезниң мустәқиллиқ тәрәпдарлири билән музакирә өткүзүшигә наразилиқ билдүргәнликини йазди.

испанийәдә чиқидиған «El Pais» гезити, трампниң қаришичә, йаманлиқлар үч булуңиниң венезуела, куба вә никарагуадин ибарәт икәнликини қәйт қилди.

аргентинада чиқидиған «Clarin» гезити, мадурониң венезуелада 15 – февралғичә давамлишидиған һәрбий маневир башлиғанлиқини хәвәр қилди.

русийә «Tass» хәвәр агентлиқи, әнглийә мудапиә вәзири гавин вилйамсонниң, <русийә натоға әза дөләтләргә қарита намайан қиливатқан күшкүрткүчи һәрикәтлири үчүн еғир бәдәл төлиши керәк> дегәнликини йазди.

русийә «Ria Nowosti» хәвәр агентлиқи, русийәниң әнқәрәдә турушлуқ баш әлчиси алексей йерховниң <2018 – йилида русийә билән түркийә арисидики сода һәҗиминиң киризистин илгирики рәқәмләрдин һалқип, 25 милйард 400 милйон долларға йәткәнлики> ни ейтқанлиқини хәвәр қилди.

русийәдә чиқидиған «известийа» гезитиниң хәвәр қилишичә, «бихәтәрлик радари 2019» намлиқ әлрайи нәтиҗилиригә қариғанда, йавропада бир урушниң йүз беришидин һәммидин бәк руслар билән украиналиқлар қорқидикән.

фирансийәдә чиқидиған «Liberation » гезити, парижда сериқ җилиткилик намайишчилардин бириниң қолиниң бәдинидин аҗрап кәткәнликини хәвәр қилди.

фирансийәдә чиқидиған «Le Figaro» гезити болса, 2015 – йили баш көтүргән көчмәнләр киризисиниң германийәни давалғутуп қойғанлиқини йазди.

йәнә фирансийәдә чиқидиған «Le Monde» гезити, фирансийә билән италийә арисидики соғуқчилиқниң қайтидин баш көтүргәнлики тоғрисидики учурларни оқурмәнлири билән ортақлашти.



مۇناسىۋەتلىك خەۋەرلەر