чәт әл мәтбуатлирида бу һәптә: 08.11.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

чәт әл мәтбуатлирида бу һәптә: 08.11.2018

 

 

әнглийәниң «Reuters» хәвәр агентлиқи, җумһур рәис рәҗәп таййип әрдоғанниң түркийәниң шәрқий ақдеңизда шималий қибрис түрк җумһурийитиниң һәқ - һоқуқини қоғдайдиғанлиқини вә гиретсийә билән қибрис рум тәрәп һакимийитиниң өз бешимчилиқ билән қәдәмләрни ташлишиға йол қоймайдиғанлиқини ейтқанлиқини хәвәр қилди.

германийәниң «Welt Am Sonntag» гезитиниң хәвиридә, «түркийә иқтисадий саһәдә нурғунлиған утуқларни қолға кәлтүрмәктә. түркийә лираси долларға нисбәтән тизла қимитини өрләтти. қизил рәқәмму тез сүрәт билән чүшти. дунйа банкисиниң бу һәптә елан қилған «Doing Business Report» сода - санаәт қолайлиқи доклатида, түркийә әң тиз йүксәлгән дөләт сүпитидә тәбрикләнди» дегәнләргә урун аҗратти.

иранниң «IRNA» хәвәр агентлиқи, ташқи ишлар министири мәвлүт чавушоғлуниң сәуди әрәбистанниң истанбул консулханисида өлтүрүлгән сәуди әрәбистанлиқ журналист җәмал қашиқҗи җинайити һәққидә җамаәтчилик билән ортақлишилмиған дәлил пакитларниң барлиқини ейтқанлиқини хәвәр қилди.

америкиниң «Associated Press» хәвәр агентлиқи, ташқи ишлар министири мәвлүт чавушоғлуниң америкиниң иранға қаратқан ембарголириниң мәнтиқсиз вә хәтәрлик икәнликини ейтқанлиқини хәвәр қилди.

иранниң «IRNA» хәвәр агентлиқи, түркийәниң америкидин бөлгүнчи террорлуқ тәшкилати п к к вә униң ирақ билән сүрийәдики гумаштилириға қарши күрәштә техиму көп конкерт қәдәмләрни ташлишини күтүватқанлиқини хәвәр қилди.

америкиниң «Associated Press» хәвәр агентлиқи, америкиниң бөлгүнчи террорлуқ тәшлакити п к к ниң 3 рәһбири йошурунған җай һәққидә мәлумат бәргәнләргә нәх пул мукапат бериш қарариға қарита түркийәниң дөләт мудапиә министири хулуси ақарниң: «п к к дин һеч қандақ пәрқий болмиған й п г үчүнму охшаш позитсийә вә қарашта болушини күтмәктимиз» дегәнликини хәвәр қилди. 

германийәниң «Deutsche Welle» ахбарат оргини, җумһур рәис байанатчиси ибраһим калинниң сөзлиргә орун аҗратти. америкиниң п к к ниң аталмиш 3 нәпәр рәһбириниң йошурунған җайи һәққидә мулумат бәргәнләргә йаки уларниң турушлуқ орниниң ениқлинишини ишқа ашуралайдиған учур билән тәминлигәнләргә нәх пул мукапат беридиғанлиқини елан қилғанлиқиға қарита, «толиму кечиккән бир һәрикәт» дәп баһа бәргәнликини хәвәр қилди.

хитайниң «Renmin Ribao» гезити, түркийәниң сайаһәт саһәсигә даир хәвиридә, «истанбул؛ һәшәмәтлик тарихий җайлири, көп хил күлтүр мираси вә тәңдашсиз тәбиәт мәнзириси билән сайаһәтчиләрни өзигә җәлп қилидиған сеһирлик асчуқучтур. истанбул 2017йилида 11 милйон сайаһәтчини күтүвалди. бу йилниң дәсәпки 8 ейида шәһәрниң тәшдашсиз җәзбдарлиқидин һозур елиш үчүн тәхминән 250 миң хитай сайаһәтҗи истанбулға сайаһәткә барди» дегәнләрни қәйт қилди. 

радийо аңлиғучи әзиз қериндашлар! йуқирида һәптилик чәт әл мәтбуатлиридин таллап тәййарлиған қисқичә хәвәрлиримизни аңлидиңлар!



مۇناسىۋەتلىك خەۋەرلەر