14.09.2018

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

14.09.2018

türkiye awazi radiyosi: gérmaniyening «DPA» xewer agéntliqi, hatayning reyhanli nahiyeside 2013yilida yüz bergen bomba hujumining gumandarini türkiye istixbarat idarisi xadimlirining  süriyedin tutup kelgenlikini xewer qildi. xewerde, lazqiye shehiride nazaretke élinghan gumandarning reyhanlida bomba hujumi qilish buyruqini süriye istixbarat idarisidin alghanliqini étirap qilghanliqi bildürüldi.

amérikaning «Associated Press» xewer agéntliqining xewiride, türkiyening polshaning paytexti warashawada ötküzülüwatqan yawropa bixeterlik we hemkarliq teshklati konféransini bayqut qilghanliqi we bu bayqut qararigha konféranstikilerning türkiyege qarshi paaliyet qiliwatqan térrorluq teshkilatliri bilen chétishliqi barliqini seweb körsetkenliki qeyt qilindi.

firansiyening «AFP» xewer agéntliqi, amérikaning washingtondiki pelestin ishxanisini taqash qararidin kéyin, türkiyening mexsus bayanat élan qilip: «amérikaning bu tedbirliri amérika hökümitining bitereplikini yoqitip qoyghanliqining roshen ipadisidur» dégenlikini xewer qildi. 

rusiye awazi radiyosi, türkiye lirasining qimmitini qoghdashqa dair jumhur reislik qararanamisining resmiy gézitte élan qilnghanliqini, bu qarargha binaen, eyr-zémin we her türlük köchme mölük élim sétimliri shundaqla ijare ishlirida, chet pulini asas qilishning ornigha türkiye lirasi ishlitilidighan bolghanliqini xewer qildi. 

gérmaniyening «Deutsche Welle» médiya orgini, dunya sehiye teshkilatining doklatlirigha köre, türkiyede otturishiche ömür körüsh nisbitining 78 yash ikenlikini we buning pütün yawropa boyiche eng yuqiri nisbet hésablinidighanliqini xewer qildi.

amérikaning «CNN» xelqara xewer tarqitish orgini, türkiyening gümüshxane shehiride élip bérilghan arxéologiyelik tekshürüshler jeryanida, yer yüzidin yérim métir chongqurluqtin rim dewrige tewe 2000 yilliq yadikarliqlarning tépilghanliqini xewer qildi.

engliyening roytérs xewer agéntliqi, türkiye bilen sudanning néfit qédérish üchün sudandiki bir qanche ming kiwadrat kilométirliq yerge türkiye shirketlirining 100 milyon dollarliq meblegh sélishigha dair kélishim imzalanghanliqini xewer qildi.

shinxua agéntliqining xewiride, «türkiye iqtisadi yilning ikkinchi charikide %5.2 yuqiri örlidi. ékisport we sayahet sahesidiki küchlük ornini ispatlap, yilning 2charikidiki dunya iqtisadining tereqqiyatigha muhim töhpe qoshti» déyildi.

rusiye awazi radiyosi, dölet mudapie ministiri hulusi akarning rusiye we beshshar esed hökümitini agahlandurup, «süriyening idlib rayonigha qilinidighan her qandaq herbiy heriket, burundinla éghir mesile ichide turuwatqan rayonni pütünley halaketke ittirgenlik bolidu» dégenlikini xewer qildi.



مۇناسىۋەتلىك خەۋەرلەر