14.09.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

14.09.2018

түркийә авази радийоси: германийәниң «DPA» хәвәр агентлиқи, һатайниң рәйһанли наһийәсидә 2013йилида йүз бәргән бомба һуҗуминиң гумандарини түркийә истихбарат идариси хадимлириниң  сүрийәдин тутуп кәлгәнликини хәвәр қилди. хәвәрдә, лазқийә шәһиридә назарәткә елинған гумандарниң рәйһанлида бомба һуҗуми қилиш буйруқини сүрийә истихбарат идарисидин алғанлиқини етирап қилғанлиқи билдүрүлди.

американиң «Associated Press» хәвәр агентлиқиниң хәвиридә, түркийәниң полшаниң пайтәхти варашавада өткүзүлүватқан йавропа бихәтәрлик вә һәмкарлиқ тәшклати конферансини байқут қилғанлиқи вә бу байқут қарариға конферанстикиләрниң түркийәгә қарши паалийәт қиливатқан террорлуқ тәшкилатлири билән четишлиқи барлиқини сәвәб көрсәткәнлики қәйт қилинди.

фирансийәниң «AFP» хәвәр агентлиқи, американиң вашингтондики пәләстин ишханисини тақаш қараридин кейин, түркийәниң мәхсус байанат елан қилип: «американиң бу тәдбирлири америка һөкүмитиниң битәрәпликини йоқитип қойғанлиқиниң рошән ипадисидур» дегәнликини хәвәр қилди. 

русийә авази радийоси, түркийә лирасиниң қиммитини қоғдашқа даир җумһур рәислик қараранамисиниң рәсмий гезиттә елан қилнғанлиқини, бу қарарға бинаән, әйр-земин вә һәр түрлүк көчмә мөлүк елим сетимлири шундақла иҗарә ишлирида, чәт пулини асас қилишниң орниға түркийә лираси ишлитилидиған болғанлиқини хәвәр қилди. 

германийәниң «Deutsche Welle» медийа оргини, дунйа сәһийә тәшкилатиниң доклатлириға көрә, түркийәдә оттуришичә өмүр көрүш нисбитиниң 78 йаш икәнликини вә буниң пүтүн йавропа бойичә әң йуқири нисбәт һесаблинидиғанлиқини хәвәр қилди.

американиң «CNN» хәлқара хәвәр тарқитиш оргини, түркийәниң гүмүшханә шәһиридә елип берилған археологийәлик тәкшүрүшләр җәрйанида, йәр йүзидин йерим метир чоңқурлуқтин рим дәвригә тәвә 2000 йиллиқ йадикарлиқларниң тепилғанлиқини хәвәр қилди.

әнглийәниң ройтерс хәвәр агентлиқи, түркийә билән суданниң нефит қедериш үчүн судандики бир қанчә миң кивадрат километирлиқ йәргә түркийә ширкәтлириниң 100 милйон долларлиқ мәбләғ селишиға даир келишим имзаланғанлиқини хәвәр қилди.

шинхуа агентлиқиниң хәвиридә, «түркийә иқтисади йилниң иккинчи чарикидә %5.2 йуқири өрлиди. екиспорт вә сайаһәт саһәсидики күчлүк орнини испатлап, йилниң 2чарикидики дунйа иқтисадиниң тәрәққийатиға муһим төһпә қошти» дейилди.

русийә авази радийоси, дөләт мудапиә министири һулуси акарниң русийә вә бәшшар әсәд һөкүмитини агаһландуруп, «сүрийәниң идлиб райониға қилинидиған һәр қандақ һәрбий һәрикәт, бурундинла еғир мәсилә ичидә туруватқан районни пүтүнләй һалакәткә иттиргәнлик болиду» дегәнликини хәвәр қилди.



مۇناسىۋەتلىك خەۋەرلەر