07.09.2018

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

07.09.2018

türkiye awazi radiyosi: xitayning «Huitong Wang» xewer tor béti, jumhur reis rejep tayyip erdoghanning rusiye we bashqa döletler bilen bolghan soda ishlirida, dollarni ishletmeydighanliqlirini éytqanliqini, rusyeningmu dollarni özara sodida élim – sétim wastisi qilishtin qutulup, bashqa bir tallashni peyda qilish üchün heriketke ötüsh waqti kelgenlikini éytqanliqini xewer qildi. 

engliyening roytérs xewer agéntliqi, maliye we xezine ishliri ministiri berat albayraqning «amérika tashlawatqan iqtisadiy qedemler amérikini ya dölitige, ya xelqige paydisi bolmaydighan bir nuqtigha ekilip qoydi» dégenlikini xewer qildi.

amérikining «CNN» xelqaraliq xewer qanili, tashqi ishlar ministiri mewlüt chawushoghluning girétsiyelik mensepdishi nikos kojias bilen izmirde ötküzgen qoshma axbarat élan qilish yighinida, türkiye bilen girétsiyening pat – pat boran – chapqunluq künlerni bashtin kechürüp turuwatqinigha qarimay, diyalogni mesililerni hel qilish charisi dep qaraydighanliqlirini éytqanliqini xewer qildi.

amérika awazi radiyosi, amérika türkiye komitéti bashliqi howard béséyning «türkiye amérikigha nisbeten hem siyasiy, hem herbiy, hem iqtisadiy, barliq nuqtilardin waz kéchishke bolmaydighan bir shériktur» dégenlikini xewer qildi. 

xitayning xelqara radiyosi, girétsiye muzika melikisi déspina wandining 17 – séntebirde ötküzülidighan 7 –nöwetlik xelqaraliq sunay féstiwalida, tamashibinliri bilen uchrishidighanliqini xewer qildi.

rusiyening siputnik xewer agéntliqi, rusiyening aptomobil ishlepchiqarghuchilirining türkiye bilen bolghan sodida dollarni tashlap, yerlik pul birliki ishlitishke ötidighanliqini xewer qildi. 

amérikidiki amérika – türkiye xewer tori, yawropaliq sayahetchilerning türkiyege bolghan qiziqishi barghanche yuqiri kötürülüwatqanliqini we türkiyening sayahet saheside rékort üstige rékort yaritiwatqanliqini xewer qildi.

girétsiyening démokratiye géziti, tashqi ishlar ministiri mewlüt chawushoghluning «türkiye aqdéngizda néfit qidérip tekshürüshni bashlaydighanliqini élan qildi. enqere dairilirimu meslini néfit qidérip tekshürgüchi shirketliri we girétsiye bilen muzakirileshkenlikini éytqanliqini xewer qildi. 

 

xitayning shinxua agéntliqi, türkiyening bixeterlik sewebidin istanbul boghuzi we chanaqqele boghuzidin ötidighan paraxotlargha qarita yéngi belgilimilerni yolgha qoyidighanliqini, bu yéngi belgilimiler arqiliq boghuzlardin ötüwatqan paraxotlar shekillendürgen xewplerning barghanche yuqiri örlishini tosup qilish meqset qilinghanliqini xewer qildi.

firansiyening «AFP» agéntliqi, jumhur reis rejep tayyip erdoghanning «eger esed qisimliri bilen ittipaqdashliri süriyening idlib shehirige keng kölemlik hujum qilidighan bolsa, chong qetliam yüz béridu» dep agahlandurushta bolghanliqini xewer qildi.

xitayning «CCTV» qanili türkiyening yerlik metbuatlirini menbe qilghan xewiride, türkiyening 4 – séntebirde idlib chégrasidiki herbiy mewjutluqini kücheytkenlikini, xatay shehiri chégrasigha türkiye armiyesining orunlashturulghanliqini we rayonda éghir qorallarning körüngenlikini, aldimizdiki bir qanche kün ichide rayongha téximu köp esker yötkilishining mölcherliniwatqanliqini bildürdi. 

engliyening roytérs xewer agéntliqi, türkiye qizilay jemiyiti bashliqi kerem kinikning «qizilay jemiyitimiz idlibke qilinghusi herbiy mudaxile sewebidin öy – makanlirini tashlap chiqip kétishke mejbur bolidighan xelq ammisini turalghu yer bilen teminlesh üchün süriye chégrasi ichidiki teyyarliqlirimizning süritini tézleshturduq» dégenlikini xewer qildi.

rusiye awazi radiyosi, türkiye- rusiye xizmet guruppiliri otturisida süriye mesilisini chöridigen halda yighin échilghanliqini, muzakirilerning 31 – awghusttin 4 – séntebirgiche bolghan ariliqta enqerede élip bérilghanliqini؛ uchrishishta, süriyening yéqinqi weziyiti we rayon xaraktérlik bixeterlik mesililirining muzakire qilinghanliqini xewer qildi.



مۇناسىۋەتلىك خەۋەرلەر