07.09.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

07.09.2018

түркийә авази радийоси: хитайниң «Huitong Wang» хәвәр тор бети, җумһур рәис рәҗәп таййип әрдоғанниң русийә вә башқа дөләтләр билән болған сода ишлирида, долларни ишләтмәйдиғанлиқлирини ейтқанлиқини, русйәниңму долларни өзара содида елим – сетим вастиси қилиштин қутулуп, башқа бир таллашни пәйда қилиш үчүн һәрикәткә өтүш вақти кәлгәнликини ейтқанлиқини хәвәр қилди. 

әнглийәниң ройтерс хәвәр агентлиқи, малийә вә хәзинә ишлири министири бәрат албайрақниң «америка ташлаватқан иқтисадий қәдәмләр америкини йа дөлитигә, йа хәлқигә пайдиси болмайдиған бир нуқтиға әкилип қойди» дегәнликини хәвәр қилди.

америкиниң «CNN» хәлқаралиқ хәвәр қанили, ташқи ишлар министири мәвлүт чавушоғлуниң гиретсийәлик мәнсәпдиши никос коҗиас билән измирдә өткүзгән қошма ахбарат елан қилиш йиғинида, түркийә билән гиретсийәниң пат – пат боран – чапқунлуқ күнләрни баштин кәчүрүп туруватқиниға қаримай, дийалогни мәсилиләрни һәл қилиш чариси дәп қарайдиғанлиқлирини ейтқанлиқини хәвәр қилди.

америка авази радийоси, америка түркийә комитети башлиқи һовард бесейниң «түркийә америкиға нисбәтән һәм сийасий, һәм һәрбий, һәм иқтисадий, барлиқ нуқтилардин ваз кечишкә болмайдиған бир шериктур» дегәнликини хәвәр қилди. 

хитайниң хәлқара радийоси, гиретсийә музика мәликиси деспина вандиниң 17 – сентәбирдә өткүзүлидиған 7 –нөвәтлик хәлқаралиқ сунай фестивалида, тамашибинлири билән учришидиғанлиқини хәвәр қилди.

русийәниң сипутник хәвәр агентлиқи, русийәниң аптомобил ишләпчиқарғучилириниң түркийә билән болған содида долларни ташлап, йәрлик пул бирлики ишлитишкә өтидиғанлиқини хәвәр қилди. 

америкидики америка – түркийә хәвәр тори, йавропалиқ сайаһәтчиләрниң түркийәгә болған қизиқиши барғанчә йуқири көтүрүлүватқанлиқини вә түркийәниң сайаһәт саһәсидә рекорт үстигә рекорт йаритиватқанлиқини хәвәр қилди.

гиретсийәниң демократийә гезити, ташқи ишлар министири мәвлүт чавушоғлуниң «түркийә ақдеңизда нефит қидерип тәкшүрүшни башлайдиғанлиқини елан қилди. әнқәрә даирилириму мәслини нефит қидерип тәкшүргүчи ширкәтлири вә гиретсийә билән музакириләшкәнликини ейтқанлиқини хәвәр қилди. 

 

хитайниң шинхуа агентлиқи, түркийәниң бихәтәрлик сәвәбидин истанбул боғузи вә чанаққәлә боғузидин өтидиған парахотларға қарита йеңи бәлгилимиләрни йолға қойидиғанлиқини, бу йеңи бәлгилимиләр арқилиқ боғузлардин өтүватқан парахотлар шәкилләндүргән хәвпләрниң барғанчә йуқири өрлишини тосуп қилиш мәқсәт қилинғанлиқини хәвәр қилди.

фирансийәниң «AFP» агентлиқи, җумһур рәис рәҗәп таййип әрдоғанниң «әгәр әсәд қисимлири билән иттипақдашлири сүрийәниң идлиб шәһиригә кәң көләмлик һуҗум қилидиған болса, чоң қәтлиам йүз бериду» дәп агаһландурушта болғанлиқини хәвәр қилди.

хитайниң «CCTV» қанили түркийәниң йәрлик мәтбуатлирини мәнбә қилған хәвиридә, түркийәниң 4 – сентәбирдә идлиб чеграсидики һәрбий мәвҗутлуқини күчәйткәнликини, хатай шәһири чеграсиға түркийә армийәсиниң орунлаштурулғанлиқини вә районда еғир қоралларниң көрүнгәнликини, алдимиздики бир қанчә күн ичидә районға техиму көп әскәр йөткилишиниң мөлчәрлиниватқанлиқини билдүрди. 

әнглийәниң ройтерс хәвәр агентлиқи, түркийә қизилай җәмийити башлиқи кәрәм киникниң «қизилай җәмийитимиз идлибкә қилинғуси һәрбий мудахилә сәвәбидин өй – маканлирини ташлап чиқип кетишкә мәҗбур болидиған хәлқ аммисини туралғу йәр билән тәминләш үчүн сүрийә чеграси ичидики тәййарлиқлиримизниң сүритини тезләштурдуқ» дегәнликини хәвәр қилди.

русийә авази радийоси, түркийә- русийә хизмәт гуруппилири оттурисида сүрийә мәсилисини чөридигән һалда йиғин ечилғанлиқини, музакириләрниң 31 – авғусттин 4 – сентәбиргичә болған арилиқта әнқәрәдә елип берилғанлиқини؛ учришишта, сүрийәниң йеқинқи вәзийити вә район характерлик бихәтәрлик мәсилилириниң музакирә қилинғанлиқини хәвәр қилди.



مۇناسىۋەتلىك خەۋەرلەر