31.08.2018

bu bir heptilik chet el metbuatlirida asasiy salmaqni igiligen xewerlirimizning muhim mezmunliri tkwendikiche:

31.08.2018

türkiye awazi radiyosi:  engliyening roytérs agéntliqi türkiye maliye ministiri berat albayrakning amérikaning türkiyege qarshi yürgüzgen émbargolarning rayon muqimliqigha ziyan salidighanliqini؛ buningda rayondiki térrorluq we musapirlar kirizisining köpiyidighanliqini éytqanliqini xewer qildi.

iran irna (IRNA) agéntliqi, türkiyening, ereb we sherq döletliridiki meblegh salghuchilarni özige jelp qilish bilen birge, xitay bilen bolghan sodida milliy pul birliklirini ishlitish yolliri üstide izdiniwatqanliqini xewer qildi.

yer shari waqti géziti türkiye jumhur reisi rejep tayyip erdoghan bilen engliye bash weziri tirésa méyning téléfonda körüshüp, ikki terep iqtisadiy munasiwetlirini tereqqiy qildurush we özara meblegh sélishni köpeytishning ehmiyitini tekitligenliklirini xewer qildi.

rusiye awazi radiyosi 7-séntebir türkiye jumhur reisi rejep tayyip erdoghanning «süriye» témiliq üch terep yighinigha qatnishish üchün irangha baridighanliqini élan qildi.

rusiyening riya nowosti agéntliqi türkiyening « S-400 » hawa qalqan mudapie sistémilirini ishlepchiqirish we tapshurush musapisining tézlitilishini telep qilghanliqini, buninggha jawaben rusiyening tunji sistémilarni türkiyege 2019-yili tapshuridighanliqini xewer qildi.

italiyening aqdéngiz we pars qoltuqi döletlirige qaratqan ansaméd (ANSAmed) xewerler tori türkiye maliye ministiri berat albayrakning firansiye paytexti parizhda mensepdéshi bruno lé mayré bilen körüshkenlikini xewer qildi.

xewerde, berat albayrakning ortaq axbarat élan qilish yighinida: «yawropa ittipaqi bilen bolghan munasiwetlerde yéngi dewr yaritishni xalaymiz» dégenliki qeyt qilindi.

shinxua agéntliqi türkiye jumhur reisi rejep tayyip erdoghan türkiyening iqtisadiy hujumgha duch kelgenlikini, xelq ittipaqliqining we qetiy iradisining ghelibe üchün eng küchlük ishench ikenlikini éytqanliqini xewer qildi.

amérika awazi radiyosi türkiye jumhur reisi rejep tayyip erdoghanning süriyediki bezi rayonlarni térrorluqtin tazilighanliqini bildürgenlikini we bashqa rayonlarghimu xatirjemlikini élip kélidighanliqlirini éytqanliqini xewer qildi.

girétsiyening «mignéyshén tor béti» (Mignatiou.com) türkiye jumhur reisi rejep tayyip erdoghanning atatürkning girétsiye armiyesige qarshi qolgha keltürgen zepiri tebriklengen «30-awghust bayrimi» munasiwiti bilen, atatürk xatire sariyidiki xatire depitirige: «dölitimizge qaritilghan tehditler, hujumlar we depsendichilikler, ghayimiz we meqsitimizge qarap ilgirilishimizni hergizmu tosalmaydu» dep béghishlima yazghanliqini xewer qildi.

amérika birleshme agéntliqi (AP) jumhur reis rejep tayyip erdoghanning süriyening nöwettiki weziyitini muzakire qilish üchün iran tashqi ishlar ministiri jewat zarif bilen ashkarilanmighan bir qétimliq uchrishishta bir yerge jem bolghanliqini xewer qildi.

yaponiyede chiqidighan «nihon kéyzay shimbun géziti», amérika dölet mudapie ministiri mattisning türkiye dölet mudapie ministiri hulusi akar bilen téléfonda körüshüp: «intayin semimiylik bilen özara pikir almashturduq» dégenlikini xewer qildi.

mattis yene: «uchrishishta süriye mesilisi muzakire qilindi, biz nurghun mesililerde özara hemkarliqni ilgiri sürüwatimiz» dégen.

gérmaniyede chiqidighan «dér tagishpigél géziti»  (Der Tagesspiegel) türkiyening heriketke ötüp, süriye chégraliri we süriye chégrasi ichidiki rayonlargha herbiy qisimlarni yötkewatqanliqini xewer qildi.



مۇناسىۋەتلىك خەۋەرلەر