31.08.2018

бу бир һәптилик чәт әл мәтбуатлирида асасий салмақни игилигән хәвәрлиримизниң муһим мәзмунлири тквәндикичә:

31.08.2018

түркийә авази радийоси:  әнглийәниң ройтерс агентлиқи түркийә малийә министири бәрат албайракниң американиң түркийәгә қарши йүргүзгән ембарголарниң район муқимлиқиға зийан салидиғанлиқини؛ буниңда райондики террорлуқ вә мусапирлар киризисиниң көпийидиғанлиқини ейтқанлиқини хәвәр қилди.

иран ирна (IRNA) агентлиқи, түркийәниң, әрәб вә шәрқ дөләтлиридики мәбләғ салғучиларни өзигә җәлп қилиш билән биргә, хитай билән болған содида миллий пул бирликлирини ишлитиш йоллири үстидә издиниватқанлиқини хәвәр қилди.

йәр шари вақти гезити түркийә җумһур рәиси рәҗәп таййип әрдоған билән әнглийә баш вәзири тиреса мейниң телефонда көрүшүп, икки тәрәп иқтисадий мунасивәтлирини тәрәққий қилдуруш вә өзара мәбләғ селишни көпәйтишниң әһмийитини тәкитлигәнликлирини хәвәр қилди.

русийә авази радийоси 7-сентәбир түркийә җумһур рәиси рәҗәп таййип әрдоғанниң «сүрийә» темилиқ үч тәрәп йиғиниға қатнишиш үчүн иранға баридиғанлиқини елан қилди.

русийәниң рийа новости агентлиқи түркийәниң « S-400 » һава қалқан мудапиә системилирини ишләпчиқириш вә тапшуруш мусаписиниң тезлитилишини тәләп қилғанлиқини, буниңға җавабән русийәниң тунҗи системиларни түркийәгә 2019-йили тапшуридиғанлиқини хәвәр қилди.

италийәниң ақдеңиз вә парс қолтуқи дөләтлиригә қаратқан ансамед (ANSAmed) хәвәрләр тори түркийә малийә министири бәрат албайракниң фирансийә пайтәхти парижда мәнсәпдеши бруно ле майре билән көрүшкәнликини хәвәр қилди.

хәвәрдә, бәрат албайракниң ортақ ахбарат елан қилиш йиғинида: «йавропа иттипақи билән болған мунасивәтләрдә йеңи дәвр йаритишни халаймиз» дегәнлики қәйт қилинди.

шинхуа агентлиқи түркийә җумһур рәиси рәҗәп таййип әрдоған түркийәниң иқтисадий һуҗумға дуч кәлгәнликини, хәлқ иттипақлиқиниң вә қәтий ирадисиниң ғәлибә үчүн әң күчлүк ишәнч икәнликини ейтқанлиқини хәвәр қилди.

америка авази радийоси түркийә җумһур рәиси рәҗәп таййип әрдоғанниң сүрийәдики бәзи районларни террорлуқтин тазилиғанлиқини билдүргәнликини вә башқа районларғиму хатирҗәмликини елип келидиғанлиқлирини ейтқанлиқини хәвәр қилди.

гиретсийәниң «мигнейшен тор бети» (Mignatiou.com) түркийә җумһур рәиси рәҗәп таййип әрдоғанниң ататүркниң гиретсийә армийәсигә қарши қолға кәлтүргән зәпири тәбрикләнгән «30-авғуст байрими» мунасивити билән, ататүрк хатирә сарийидики хатирә дәпитиригә: «дөлитимизгә қаритилған тәһдитләр, һуҗумлар вә дәпсәндичиликләр, ғайимиз вә мәқситимизгә қарап илгирилишимизни һәргизму тосалмайду» дәп беғишлима йазғанлиқини хәвәр қилди.

америка бирләшмә агентлиқи (AP) җумһур рәис рәҗәп таййип әрдоғанниң сүрийәниң нөвәттики вәзийитини музакирә қилиш үчүн иран ташқи ишлар министири җәват зариф билән ашкариланмиған бир қетимлиқ учришишта бир йәргә җәм болғанлиқини хәвәр қилди.

йапонийәдә чиқидиған «ниһон кейзай шимбун гезити», америка дөләт мудапиә министири маттисниң түркийә дөләт мудапиә министири һулуси акар билән телефонда көрүшүп: «интайин сәмимийлик билән өзара пикир алмаштурдуқ» дегәнликини хәвәр қилди.

маттис йәнә: «учришишта сүрийә мәсилиси музакирә қилинди, биз нурғун мәсилиләрдә өзара һәмкарлиқни илгири сүрүватимиз» дегән.

германийәдә чиқидиған «дер тагишпигел гезити»  (Der Tagesspiegel) түркийәниң һәрикәткә өтүп, сүрийә чегралири вә сүрийә чеграси ичидики районларға һәрбий қисимларни йөткәватқанлиқини хәвәр қилди.



مۇناسىۋەتلىك خەۋەرلەر