17.08.2018

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

17.08.2018

amérikining «AP» xewer agéntliqi, türkiye tashqi ishlar ministiri mewlüt chawshoghluning: «amérika türkiyege émébargo we bésimlarni ishlitip héch nersige érishelmeydu» dégenlikini xewer qildi.

rusiyening «Tass» xewer agéntliqi, rusiye pirézidéntliq sariyining bayanatchisi imitri péskowning: «türkiye jumhur reisi rejep tayyip erdoghan rusiye pirézidénti wladimir putin bilen sella ilgiri ötküzgen söhbitide, türkiye iqtisadidiki mesililerge dair rusiyelik mensepdishidin héchqandaq yardem telep qilmidi» dégenlikini xewer qildi.

engliyening «Reuters» xewer agéntliqi, türkiye xezine ishliri we maliye ministiri berat albayrakning amérikining türkiyege qoshumche tamozhna béji qoyghanliqini tenqid qilip, gérmaniye ministirini maxtighanliqini hemde gérmaniye ministirining démokratiye terepte turghanliqining türkiyening gérmaniye we yawropa ittipaqi bilen bolghan rishtisige qarita ishenchni kücheytkenlikini éytqanliqini xewer qildi.

firansiye «AFP» agéntliqi, jumhur reislik sariyining bayanatchisi ibrahim kalinning twittérda élan qilghan bayanatida, «türkiye iqtisadining asasliri intayin mustehkem» dégenlikini hemde «héch kishi qutratquluq xaraktérlik xewerlerge ishenmisun» dep tekitligenlikini xewer qildi. 

rusiyening «Ria Novosti» xewer agéntliqi, jumhur reis rejep tayyip erdoghanning türkiyege qaritilghan iqtisadiy qorshawgha «15iyuldiki herbiy siyasiy özgirish qozghash urunushining dawami» dep baha bergenlikini xewer qildi. 

gérmaniyening «DW» médiya orgini, qatarning türkiyege 15 milyard dollar biwaste meblegh salidighanliqini xewer qildi.

amérika awazi radiyosi, jumhur reis rejep tayyip erdoghanning türkiyege qarshi ighwagerchilik xaraktéridiki qedemlerni tashlawatqan amérikaning éléktironluq mehsulatlirini almasliqqa xelqqe chaqiriq qilghanliqini xewer qildi.

xitayning xelqara radiyosi, türkiyening amérikadin émport qilinghan bezi mehsulatlargha %100 lik qoshumche tamozhna béji qoyush qarari alghanliqini xewer qildi.

engliyening «BBC» médiya orgini, engliyede türkiye lirasining sétilishining zor derijide yuqiri kötürülgenlikini, engliyelik sayahetchilerning türkiye lirasigha bolghan qiziqishi sewebidin türkiye lirasi sétishlirida yétishtürelmesliktek qiyinchliq tughuluwatqanliqini xewer qildi.

amérikaning «CNN» médiya orgini, xezine ishliri we maliye ministiri berat albayrakning gérmaniye maliye ministiri olaf sicholz bilen körüshkenlikini we ikki ministirning 21séntebirde bérlinde qayta bir yerge jem bolushqa pütüshkenlikini xewer qildi.

iranning «IRNA» xewer agéntliqi, qatar, kuweyt we iraqning amérika émbargolirigha qarshi türkiyeni qollap quwwetligenlikini xewer qildi.

rusiyening «Sputnik» xewer agéntliqi, jumhur reis rejep tayyip erdoghanning firansiye pirézidénti makron bilen téléfonda körüshkenlikini, söhbette ikki dölet otturisidiki iqtisadiy we soda munasiwetlirining muzakire qilinghanliqini xewer qildi.



مۇناسىۋەتلىك خەۋەرلەر