chet el metbuatlirida bu hepte: 03.08.2018

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

chet el metbuatlirida bu hepte: 03.08.2018

giroziyening «Interpressnews» axbarat orgini, jumhur reis rejep tayyip erdoghanning «amérika türkiyege oxshash semimiy bir dostini yoqutup qoyushi mumkin» dégenlikini xewer qildi.

gérmaniyening «DPA» xewer agéntliqi, «türkiye gérmaniyening qatnishishi bilen ötküzülidighan töt terep süriye mesilisi yighinini pilanlimaqta» serlewhilik xewer élan qildi.

engliyening ruytérs xewer agéntliqi, jumhur reislik bayanatchisi ibrahim kalinning «türkiye bilen amérika otturisidiki munasiwetlerni qutquzuwalghili bolidu» dégenlikini xewer qildi. 

iranning «IRNA» xewer agéntliqi, türkiye dölet mudapie kéngishi teripidin élan qilinghan bayanattin kéyin, amérika pirézidénti donald trampning türkiyege qarita tehditlerge tolghan sözlerni ishletkenlikini qetiy qobul qilishqa bolmaydighanliqini xewer qildi.

firansiyening «AFP» xewer agéntliqi, jumhur reis rejep tayyip erdoghanning amérikiliq rahip délosi heqqide amérikining salghan tehditlirige türkiyening qetiy boyun egmeydighanliqini bildürgenlikini hemde amérikini «injilpereslik we siyonizmliq bir idiologiye bilen heriket qiliwatidu» dep eyiblep, «amérikining bu tehdit xaraktérliq pozitsiyesini qobul qilishimiz mumkin emes» dégenlikini xewer qildi.

ispaniyening «EuropaPress» axbarat orgini, türkiyening 2 ministirigha amérika teripidin maqullanghan émbargo qararini qattiq eyibligenlikini hemde bu jaza tedbirliri arqiliq türkiyening sot sistémisi qararlirigha amérikining hörmetsizlerche mudaxile qilghanliqini bildürüp, «amérika hökümitini bu xata qararni emeldin qaldurushqa chaqiriq qilimiz. eksiche bolghanda bu hujum xaraktérlik pozitsiyege uyghun shekilde jawab bérilidu» dep agahlandurghanliqini xewer qildi.

amérikining «AP» xewer agéntliqi, amérika imbargo qarari alghan türkiye ichki ishlar ministiri sulayman soyluning bu qararni mesxire qilip, amérikida mewjut birdin bir mal mülkining 2016yilidiki herbiy - siyasiy özgirishning jawabkari fethullahchi térrorluq teshkilatining katiwishi fethullah gülen ikenlikini éytqanliqini we ijtimaiy taratqu békiti tiwitttérda élan qilghan sözide, «uni u yerde tashlap qoymaymiz, choqum qayturup alimiz» dégenlikini xewer qildi.

engliyening ruytérs xewer agéntliqi, xezine we maliye ishliri ministiri berat elbayraqning amérikining térrorizmni qollash bilen eyiblengen bir amérikiliq rahipning sot qilinishigha alaqidar türkiyege qarshi yolgha qoymaqchi bolghan émbargolirining qetiy qobul qilarliqi yoqluqini we türkiye iqtisadigha körsitidigha tesiriningmu intayin cheklik bolidighanliqini éytqanliqini xewer qildi.

iranning méhr xewer agéntliqi, iran tashqi ishlar ministiri muhemmed jewad zarifning tiwittér hésabida élan qilghan uchurida, türkiyening ikki ministirigha amérikining émbargo yürgüzishige naraziliq bildürgenlikini xewer qildi.

giroziyening «Interpressnews» axbarat orgini, jumhur reis rejep tayyip erdoghanning türkiyede ölüm jazasini eslige keltürüshni qollaydighanliqini, axbaratchilargha bergen bayanatida, eger parlaméntning testiqidin ötken teqdirde, öziningmu maqullashqa teyyar ikenlikini éytqanliqini xewer qildi. 

iranning «IRNA» xewer agéntliqi, türkiye tashqi ishlar minsitiri mewlüt chawushoghluning «yawropa ittipaqigha eza bolush barliq tosalghulargha qarimastin enqere dairilirining istiratégiyelik nishanidur» dégenlikini xewer qildi.

rusiyening supitnik tor biti, türkiye istatistéka idarisining 2018yili april éyidin iyun iyighiche bolghan sayahet ishliri istatistékiliq doklatida, sayahet ishliridin qolgha kelgen kirimning %30 yuqiri örligenlikini bildürülgenlikini xewer qildi.

amérikining «CNN» xelqara xewer qanili, torko sheker tenterbiye kulubining wilisipit musabiqisi mahiri onur balqanning xitayda ötküzülgen chingxey köli uzun musapiliq musabiqisining 9 - basquchida birinchi bolghanliqini xewer qildi.



مۇناسىۋەتلىك خەۋەرلەر