чәт әл мәтбуатлирида бу һәптә: 03.08.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

чәт әл мәтбуатлирида бу һәптә: 03.08.2018

гирозийәниң «Interpressnews» ахбарат оргини, җумһур рәис рәҗәп таййип әрдоғанниң «америка түркийәгә охшаш сәмимий бир достини йоқутуп қойуши мумкин» дегәнликини хәвәр қилди.

германийәниң «DPA» хәвәр агентлиқи, «түркийә германийәниң қатнишиши билән өткүзүлидиған төт тәрәп сүрийә мәсилиси йиғинини пиланлимақта» сәрләвһилик хәвәр елан қилди.

әнглийәниң руйтерс хәвәр агентлиқи, җумһур рәислик байанатчиси ибраһим калинниң «түркийә билән америка оттурисидики мунасивәтләрни қутқузувалғили болиду» дегәнликини хәвәр қилди. 

иранниң «IRNA» хәвәр агентлиқи, түркийә дөләт мудапиә кеңиши тәрипидин елан қилинған байанаттин кейин, америка пирезиденти доналд трампниң түркийәгә қарита тәһдитләргә толған сөзләрни ишләткәнликини қәтий қобул қилишқа болмайдиғанлиқини хәвәр қилди.

фирансийәниң «AFP» хәвәр агентлиқи, җумһур рәис рәҗәп таййип әрдоғанниң америкилиқ раһип делоси һәққидә америкиниң салған тәһдитлиригә түркийәниң қәтий бойун әгмәйдиғанлиқини билдүргәнликини һәмдә америкини «инҗилпәрәслик вә сийонизмлиқ бир идиологийә билән һәрикәт қиливатиду» дәп әйибләп, «америкиниң бу тәһдит характерлиқ позитсийәсини қобул қилишимиз мумкин әмәс» дегәнликини хәвәр қилди.

испанийәниң «EuropaPress» ахбарат оргини, түркийәниң 2 министириға америка тәрипидин мақулланған ембарго қарарини қаттиқ әйиблигәнликини һәмдә бу җаза тәдбирлири арқилиқ түркийәниң сот системиси қарарлириға америкиниң һөрмәтсизләрчә мудахилә қилғанлиқини билдүрүп, «америка һөкүмитини бу хата қарарни әмәлдин қалдурушқа чақириқ қилимиз. әксичә болғанда бу һуҗум характерлик позитсийәгә уйғун шәкилдә җаваб берилиду» дәп агаһландурғанлиқини хәвәр қилди.

америкиниң «AP» хәвәр агентлиқи, америка имбарго қарари алған түркийә ички ишлар министири сулайман сойлуниң бу қарарни мәсхирә қилип, америкида мәвҗут бирдин бир мал мүлкиниң 2016йилидики һәрбий - сийасий өзгиришниң җавабкари фәтһуллаһчи террорлуқ тәшкилатиниң кативиши фәтһуллаһ гүлән икәнликини ейтқанлиқини вә иҗтимаий таратқу бекити тивитттерда елан қилған сөзидә, «уни у йәрдә ташлап қоймаймиз, чоқум қайтуруп алимиз» дегәнликини хәвәр қилди.

әнглийәниң руйтерс хәвәр агентлиқи, хәзинә вә малийә ишлири министири бәрат әлбайрақниң америкиниң терроризмни қоллаш билән әйибләнгән бир америкилиқ раһипниң сот қилинишиға алақидар түркийәгә қарши йолға қоймақчи болған ембарголириниң қәтий қобул қиларлиқи йоқлуқини вә түркийә иқтисадиға көрситидиға тәсириниңму интайин чәклик болидиғанлиқини ейтқанлиқини хәвәр қилди.

иранниң меһр хәвәр агентлиқи, иран ташқи ишлар министири муһәммәд җәвад зарифниң тивиттер һесабида елан қилған учурида, түркийәниң икки министириға америкиниң ембарго йүргүзишигә наразилиқ билдүргәнликини хәвәр қилди.

гирозийәниң «Interpressnews» ахбарат оргини, җумһур рәис рәҗәп таййип әрдоғанниң түркийәдә өлүм җазасини әслигә кәлтүрүшни қоллайдиғанлиқини, ахбаратчиларға бәргән байанатида, әгәр парламентниң тәстиқидин өткән тәқдирдә, өзиниңму мақуллашқа тәййар икәнликини ейтқанлиқини хәвәр қилди. 

иранниң «IRNA» хәвәр агентлиқи, түркийә ташқи ишлар минситири мәвлүт чавушоғлуниң «йавропа иттипақиға әза болуш барлиқ тосалғуларға қаримастин әнқәрә даирилириниң истиратегийәлик нишанидур» дегәнликини хәвәр қилди.

русийәниң супитник тор бити, түркийә истатистека идарисиниң 2018йили април ейидин ийун ийиғичә болған сайаһәт ишлири истатистекилиқ доклатида, сайаһәт ишлиридин қолға кәлгән киримниң %30 йуқири өрлигәнликини билдүрүлгәнликини хәвәр қилди.

америкиниң «CNN» хәлқара хәвәр қанили, торко шәкәр тәнтәрбийә кулубиниң вилисипит мусабиқиси маһири онур балқанниң хитайда өткүзүлгән чиңхәй көли узун мусапилиқ мусабиқисиниң 9 - басқучида биринчи болғанлиқини хәвәр қилди.



مۇناسىۋەتلىك خەۋەرلەر