27.07.2018

töwende bu hepte dunya metbuatlirida orun alghan türkiyege alaqidar bezi muhim xewerlerning qisqiche mezmunlirini huzurunglargha sunimiz.

27.07.2018

türkiye awazi radiyosi: merkiziy engliyege jaylashqan roytérz xewer agéntliqi, xezine we maliye ishliri ministiri berat albayraqning, türkiyening iqtisadiy jehettin güllinishige ümid peyda qilghanliqini yazdi.

gérmaniyediki shipigél xewerler tori, gérmaniyelik türk putbolchi mesut özilning, gérmaniyede irqchiliq we bihörmetlik qilishqa uchrighanliqi üchün milliy komandidin ayrilghanliqini xewer qildi.

roytérz xewer agéntliqi, jumhur reis rejep tayyip erdoghanning, türk millitidin bolghan putbolchi mesut özilgha bildürülgen irqchi pozitsiyeni qobul qilishning mumkin emeslikini éytqanliqini yazdi.

firansiye xewer agéntliqi, gérmaniyening türkiyege qaratqan simwol xaraktérlik iqtisadiy émbargolarni bikar qilghanliqini xewer qildi.

roytérz xewer agéntliqi, jumhur reis rejep tayyip erdoghanning barliq tehditler bir terep qilinip bolghuche chégra sirtidiki herbiy heriketlerning dawamlashturulidighanliqini eskertkenlikini yazdi.

firansiye xewer agéntliqi, jumhur reis rejep tayyip erdoghanning, israiliye parlaméntining döletke «yehudiy xelqining milliy döliti» dep éniqlima bérishni mezmun qilghan qanunning maqullinishidin kéyin israiliyege «dunyaning eng fashist we eng irqchi» döliti, dep baha bergenlikini xewer qildi.

iran irna xewer agéntliqi, jumhur reislik sariyi bayanatchisi ibrahim qalinning, israiliyeni irqchiliq we ishghalchiliqni chiqish qilghan bir tüzümdur, dégenlikini oqurmenliri bilen ortaqlashti.

amérika birleshme xewer agéntliqi, türkiyening ot apitige mudaxile qilish üchün girétsiyege yardem bérishni teklip qilghanliqini yazdi.

rusiye awazi radiyosi, xelqara qerz inawet derijisini békitish shirkiti – fitch réytingsning, soda urushlirining türkiye iqtisadigha ijabiy tesir körsitish éhtimali barliqi uqturghanliqini xewer qildi.


خەتكۈچ: radiyo , uyghurche , gézit , metbuat , chet el

مۇناسىۋەتلىك خەۋەرلەر