27.07.2018

төвәндә бу һәптә дунйа мәтбуатлирида орун алған түркийәгә алақидар бәзи муһим хәвәрләрниң қисқичә мәзмунлирини һузуруңларға сунимиз.

27.07.2018

түркийә авази радийоси: мәркизий әнглийәгә җайлашқан ройтерз хәвәр агентлиқи, хәзинә вә малийә ишлири министири бәрат албайрақниң, түркийәниң иқтисадий җәһәттин гүллинишигә үмид пәйда қилғанлиқини йазди.

германийәдики шипигел хәвәрләр тори, германийәлик түрк путболчи мәсут өзилниң, германийәдә ирқчилиқ вә биһөрмәтлик қилишқа учриғанлиқи үчүн миллий командидин айрилғанлиқини хәвәр қилди.

ройтерз хәвәр агентлиқи, җумһур рәис рәҗәп таййип әрдоғанниң, түрк миллитидин болған путболчи мәсут өзилға билдүрүлгән ирқчи позитсийәни қобул қилишниң мумкин әмәсликини ейтқанлиқини йазди.

фирансийә хәвәр агентлиқи, германийәниң түркийәгә қаратқан символ характерлик иқтисадий ембарголарни бикар қилғанлиқини хәвәр қилди.

ройтерз хәвәр агентлиқи, җумһур рәис рәҗәп таййип әрдоғанниң барлиқ тәһдитләр бир тәрәп қилинип болғучә чегра сиртидики һәрбий һәрикәтләрниң давамлаштурулидиғанлиқини әскәрткәнликини йазди.

фирансийә хәвәр агентлиқи, җумһур рәис рәҗәп таййип әрдоғанниң, исраилийә парламентиниң дөләткә «йәһудий хәлқиниң миллий дөлити» дәп ениқлима беришни мәзмун қилған қанунниң мақуллинишидин кейин исраилийәгә «дунйаниң әң фашист вә әң ирқчи» дөлити, дәп баһа бәргәнликини хәвәр қилди.

иран ирна хәвәр агентлиқи, җумһур рәислик сарийи байанатчиси ибраһим қалинниң, исраилийәни ирқчилиқ вә ишғалчилиқни чиқиш қилған бир түзүмдур, дегәнликини оқурмәнлири билән ортақлашти.

америка бирләшмә хәвәр агентлиқи, түркийәниң от апитигә мудахилә қилиш үчүн гиретсийәгә йардәм беришни тәклип қилғанлиқини йазди.

русийә авази радийоси, хәлқара қәрз инавәт дәриҗисини бекитиш ширкити – фитч рейтиңсниң, сода урушлириниң түркийә иқтисадиға иҗабий тәсир көрситиш еһтимали барлиқи уқтурғанлиқини хәвәр қилди.



مۇناسىۋەتلىك خەۋەرلەر