20.07.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

20.07.2018

әнглийәниң «BBC» түркчә тор бети, җумһур рәис рәҗәп таййип әрдоғанниң 15ийулдики һәрбий сийасий өзгириш қозғашқа урунуш һәрикити йүз бәргәнликиниң 2йили мунасивити билән қилған сөзидә: «пенсилванийәдики мәлун (фәтһуллаһчи террорлуқ тәшкилатиниң каттбеши) ни беқип чоң қилған ахтапот (йәни сәккиз путлуқ билиқ) ниң путлирини кәстүқ» дегәнликини хәвәр қилди.

германийәниң «DW» медийа оргини, җумһур рәис рәҗәп таййип әрдоғанниң 15ийулда мәғлубийәткә учриған һәрбий сийасий өзгириш қозғашқа урунуш һәркити җәрйанида шеһит болғанларни хатириләш мурасимида қилған сөзидә: «15ийулни унтулдурмаймиз вә унтумаймиз» дегәнликини хәвәр қилди.

иранниң фарс хәвәр агентлиқи, «һечқандақ күч иран - түркийә мунасивәтлирини бузалмайду» сәрләвһилик хәвәр елан қилди.

русийәниң риа новости хәвәр агентлиқи, украина билән түркийәниң «AN-188» типлиқ һәрбий транспорт айропилани йасаш үчүн ортақ ширкәт қурушни халайдиғанлиқини хәвәр қилди.

иранниң «IRNA» хәвәр агентлиқи, җумһур рәис рәҗәп таййип әрдоғанниң америка пирезиденти доналд трамп билән телефонда көрүшүп, сүрийә мәслисини музакирләшкәнликини хәвәр қилди. 

мәркизий ишханиси лондонда турушлуқ интернет бети, әнглийәлик сәнәтчи вә йазғучи аннә марийәниң анталйада һәвәскарлири билән учрашқанлиқини хәвәр қилди.

америкиниң «CNN» тор бети, фәтһуллаһчи террорлуқ тәшкилати/параллел дөләт қурулмисиниң 2016йили 15ийулдики мәғлубийәткә учриған һәрбийсийасий өзгириш қозғашқа урунуш һәрикитиниң арқидин 2016 - йили21 - ийулда елан қилинған вә муддити һәр 3 айда бир қетим болуп, җәмий 7 қетим узартилған җиддий һаләт қануниниң ахирилашқанлиқини хәвәр қилди.

русийәниң «Federalnoe Agentstvo Novostey» медийа оргини, күздә русийәдә өткүзүлидиған фестивалда түркийәниң алаһидә орун тутидиғанлиқини хәвәр қилди.



مۇناسىۋەتلىك خەۋەرلەر