22.06.2018

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

22.06.2018

rusiyening «TASS» xewer agéntliqi, türkiyening 2019yili antaraktikada pen - tetqiqat bazisi quridighanliqini xewer qildi. 

iranning fars xewer agéntliqi, jumhur reis rejep tayyip erdoghanning özbékistan pirézidénti shewket mirzayéw bilen téléfonda körüshkenlikini we ikki döletning oxshash bolmighan sahelerdiki hemkarliqlirini yuqiri kötürüshi kéreklikini tekitligenlikini xewer qildi.

engliyening roytérs xewer agéntliqi, türkiye armiyesining süriyening shimalidiki bölgünchi térrorluq teshkilati p k k/ p y d y p g ning ishghaliyiti astidiki munbichte musteqil charlash paaliyetlirini bashlighanliqini xewer qildi.

gérmaniyening «DW» xewer agéntliqi türkiye tashqi ishlar ministiri mewlüt chawushoghluning bölgünchi térroluq tekshilati p k k/ p y d y p g ning 4iyuldin étibaren süriyening munbich rayonidin chékinidighanliqini éytqanliqini xewer qildi.

italiyening «ANSAmed» xewer tarqitish orgini, jumhur reis rejep tayyip erdoghanning türkiyede 3yadro éléktir istansisiningmu qurulidighanliqini bildürgenlikini xewer qildi.

iranning fars xewer agéntliqi birleshken döletler teshkilati süriye alahide wekili sitéfan démisturaning iran, türkiye we rusiye wekillirini qaytidin jenwe muzakirilirige teklip qilghanliqini xewer qildi.

rusiyening siputnik xewer agéntliqi yawropa ittipaqi ishliri ministiri we bash muzakirichisi ömer chelikning yawropada ewj éliwatqan ashqun ongchilliqini ima qilghan halda «yawropaning daéshliri, ashqun ongchiliridur» dégenlikini xewer qildi.

amérika awazi radiyosi türkiyediki jumhur reislik we parlamént ezaliri saylimi üchün chet ellerde turushluq 3 milyon 47 ming saylighuchining %49 i yeni, teng yérimining dégüdek bélet tashlap bolghanliqini xewer qildi. 

xitay resmiy xewer agéntliqi shinxua yaz peslide sherqiy shimaliy anadoluning taghliq rayonlirining tengdashsiz güzelliki we tarixiy bayliqliri bilen xitay sayahetchilerni kütüwatqanliqini xewer qildi.

engliyening «eshsherqul ewsat» namliq xelqaraliq erebche géziti dunya boyiche eng chong qurulush paraxotining 3qétim istanbul boghuzidin ötkenlikini, «Pioneering Spirit» namliq qurulush paraxotining qara déngizda türk éqimi tebiiy gaz turuba liniyesini déngiz astigha kömüsh qurulushini ishqa ashuridighanliqini xewer qildi.

bosniye gérétségowinaning sayahet xewerliri munbiri türkiye bilen bosniye gérétségowina otturisidiki soda omumiy sommisining 2003 - yilidin buyan 10 hesse yuqiri örlep 700 milyon dollargha chiqqanliqini xewer qildi.



مۇناسىۋەتلىك خەۋەرلەر