22.06.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

22.06.2018

русийәниң «TASS» хәвәр агентлиқи, түркийәниң 2019йили антарактикада пән - тәтқиқат базиси қуридиғанлиқини хәвәр қилди. 

иранниң фарс хәвәр агентлиқи, җумһур рәис рәҗәп таййип әрдоғанниң өзбекистан пирезиденти шәвкәт мирзайев билән телефонда көрүшкәнликини вә икки дөләтниң охшаш болмиған саһәләрдики һәмкарлиқлирини йуқири көтүрүши керәкликини тәкитлигәнликини хәвәр қилди.

әнглийәниң ройтерс хәвәр агентлиқи, түркийә армийәсиниң сүрийәниң шималидики бөлгүнчи террорлуқ тәшкилати п к к/ п й д й п г ниң ишғалийити астидики мунбичтә мустәқил чарлаш паалийәтлирини башлиғанлиқини хәвәр қилди.

германийәниң «DW» хәвәр агентлиқи түркийә ташқи ишлар министири мәвлүт чавушоғлуниң бөлгүнчи терролуқ тәкшилати п к к/ п й д й п г ниң 4ийулдин етибарән сүрийәниң мунбич районидин чекинидиғанлиқини ейтқанлиқини хәвәр қилди.

италийәниң «ANSAmed» хәвәр тарқитиш оргини, җумһур рәис рәҗәп таййип әрдоғанниң түркийәдә 3йадро електир истансисиниңму қурулидиғанлиқини билдүргәнликини хәвәр қилди.

иранниң фарс хәвәр агентлиқи бирләшкән дөләтләр тәшкилати сүрийә алаһидә вәкили ситефан демистураниң иран, түркийә вә русийә вәкиллирини қайтидин җәнвә музакирилиригә тәклип қилғанлиқини хәвәр қилди.

русийәниң сипутник хәвәр агентлиқи йавропа иттипақи ишлири министири вә баш музакиричиси өмәр чәликниң йавропада әвҗ еливатқан ашқун оңчиллиқини има қилған һалда «йавропаниң даешлири, ашқун оңчилиридур» дегәнликини хәвәр қилди.

америка авази радийоси түркийәдики җумһур рәислик вә парламент әзалири сайлими үчүн чәт әлләрдә турушлуқ 3 милйон 47 миң сайлиғучиниң %49 и йәни, тәң йериминиң дегүдәк беләт ташлап болғанлиқини хәвәр қилди. 

хитай рәсмий хәвәр агентлиқи шинхуа йаз пәслидә шәрқий шималий анадолуниң тағлиқ районлириниң тәңдашсиз гүзәллики вә тарихий байлиқлири билән хитай сайаһәтчиләрни күтүватқанлиқини хәвәр қилди.

әнглийәниң «әшшәрқул әвсат» намлиқ хәлқаралиқ әрәбчә гезити дунйа бойичә әң чоң қурулуш парахотиниң 3қетим истанбул боғузидин өткәнликини, «Pioneering Spirit» намлиқ қурулуш парахотиниң қара деңизда түрк еқими тәбиий газ туруба линийәсини деңиз астиға көмүш қурулушини ишқа ашуридиғанлиқини хәвәр қилди.

боснийә геретсеговинаниң сайаһәт хәвәрлири мунбири түркийә билән боснийә геретсеговина оттурисидики сода омумий соммисиниң 2003 - йилидин буйан 10 һәссә йуқири өрләп 700 милйон долларға чиққанлиқини хәвәр қилди.



مۇناسىۋەتلىك خەۋەرلەر