08.06.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

08.06.2018

әнгийәдики ройтерс « Reuters » хәвәр агентлиқи муну хәвәргә орун аҗратти: «түркийәниң иқтисадиға мәсул муавин баш министир мәһмәт шимшәк, пул сийаситидин әндишә һес қилған хәлқаралиқ ширкәтләрниң лондонда карханчилар билән өткүзүлгән музакириләрниң нәтиҗисидә түркийәниң пул сийаситигә болған ишәнчисиниң ашқанлиқини, бу әһвал түрткисидә түркийәгә көпләп мәбләғ селинишқа башлиғанлиқини ейтти. »

русийәдики  рийа новстики хәвәр агентлиқи муну хәвәрни оқурмәнлири билән ортақлашти: «баш министир бинали йилдирим русийә пирезиденти виладимир путин билән телефонда көрүшүп, аккуйу йадро електр истансиси вә түркийә еқими лайиһәси үстидә кеңәшти.»

америкидики түрк-америка тор бети муну учурларни оқурмәнлириниң диққитигә сунди: «түркийәниң инсансиз қуруқлуқ һәрбий аптомобили вәзипигә өтүшкә тәййар һаләткә кәлди.»

иран меһр хәвәр агентлиқи муну учурларни нәқил қилди: «җумһур рәислик идариси байанатчиси ибраһим калин, америкиниң пәләстинни қоллаш қарарини вето қилиши бизни һәйран қалдурмиди, деди.

америка түрк-америка тор бети мунуларни хәвәр қилди:  «муавин баш министир вә һөкүмәт байанатчиси бәкир боздағ түркийәгә қәйәрдин тәһдит кәлсә шу йәр түркийәниң нишани болиду, деди. »

русийә спутник тор бетидә муну учурға орун аҗритилди: «хәлқара марка баһалаш оргини биранд пул-муамилә оргини тәрипидин елип берилған түркийәниң әң  қиммәтлик маркарлири намлиқ лайиһәдә түркийә һава йоллири ширкити биринчи қатардин орун алди.»

америка түрк-америка тор бетини муну учурларни оқурмәнлири билән ортақлашти: «америка ташқи ишлар министирлиқи байанатчиси һетер навурт америка билән түркийәниң мунбич мәсилиси үстидә чиқарған қарариниң районда тинчлиқ бәрпа болушида муһим рол ойнайдиғанлиқини билдүрди.»

қирим хәвәр агентлиқи муну учурға орун аҗратти: «украина билән түркийә арисида паспортсиз сайаһәт қилиш бәлгилимиси йолға қойулғандин кейин сайаһәт долқуни көтүрүлүп кәтти. »

қирим хәвәр агентлиқи йәнә муну хәвәрни оқурмәнлири билән ортақлашти: «түркийә гиретсийәниң 15-ийулда һәрбий сийасий өзгириш қозғаш қилмишиға қатнашқан зоравнларни қойуп беришигә наразилиқ билдүрди.»



مۇناسىۋەتلىك خەۋەرلەر