01.06.2018

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

01.06.2018

türkiye awazi radiyosi: qirimning «QHA» xewer agéntliqi, ukraina sehiye ministiri ulya suprunning «türkiye jiddiy qutquzush xizmetliride intayin ünümlük we aktip» dégenlikini xewer qildi.

qirimning «QHA» xewer agéntliqi, dunya miqyasida 450 din artuq magézini bolghan türkiyening ataqliq kiyimkéchek markisi «Defacto» ning ukraina bazirigha kirgenlikini xewer qildi.

gérmaniyening «Der Spiegel» zhurnili, gérmaniye tashqi ishlar ministiri hayko masning «solingén shehiride yüz bergen we 5 türk hayatidin ayrilghan irqiy ayrimchiliq hujumigha saq 25 yil bolup qalghan bolsimu, gérmaniyede hazirmu gérmaniyelik türklerning irqiy ayrimchiliqqa uchrap kéliwatqanliqi tolimu nomus qilarliq bir ehwal» dégenlikini xewer qildi.

iranning irna xewer agéntliqi, türkiye pakistangha özi ishlepchiqarghan atak hujumchi tik uchar ayropilandin 30 dane sétishqa alaqidar kélishimni imzalighandin kéyin, ikki dölet otturisidiki dölet mudapie munaswetlirining oxshimighan basquchqa qedem qoyghanliqini xewer qildi.

rusiye awazi radiyosi, rusiye gazini türkiye arqiliq yawropagha yötkeydighan türk éqimi tebiiy gaz turuba layiheside 2liniyening qurulushi bashlinish aldida ikenlikini we bu 2liniyening 2019yilining axirighiche tamamlinip bolidighanliqini xewer qildi.

 engliyening roytérs agéntliqi, jumhur reis rejep tayyip erdoghanning rusiye pirézidénti wladimr putin bilen télfonda körüshkenlikini we söhbette, süriyening weziyiti, bolupmu énérgiye sahesi qatarliq iqtisadiy munaswetlerning muzakire qilinghanliqini xewer qildi.

  iranning irna xewer agéntliqi, türkiye dölet xewpsizlik kéngishining «türkiye dawamliq pelestin pirinsiplirini qollap - quwwetlidi we pelestinni xelqaraliq sehnilerde qollashni dawmlashturidu» dégenlikini xewer qildi.

engliyening b b s türkche tor béti, tashqi ishlar ministiri mewlüt chawushoghluning, «térrorluq teshkilati p k k ning süriyediki gumashtisi y p g munbichtin chékinidu» dégenlikini xewer qildi.

amérikadiki türkiyeamérika tor béti, rusiye pirézidénti wladimir putinning türk éqimi layihesining yaropagha tutishidighan yönülüishi heqqide türkiye bilen dawamliq meslihetleshkenliklirini éytqanliqini xewer qildi.

gérmaniyening «DW» intérnét tor béti, dölitimiz tashqi ishlar ministiri mewlüt chawushoghluning, «yawropa ittipaqi döletliri türkiyege we türklerge qarshi ikki yüzlimichilik bilen muamile qildi» dégenlikini xewer qildi.



مۇناسىۋەتلىك خەۋەرلەر