01.06.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

01.06.2018

түркийә авази радийоси: қиримниң «QHA» хәвәр агентлиқи, украина сәһийә министири улйа супрунниң «түркийә җиддий қутқузуш хизмәтлиридә интайин үнүмлүк вә актип» дегәнликини хәвәр қилди.

қиримниң «QHA» хәвәр агентлиқи, дунйа миқйасида 450 дин артуқ магезини болған түркийәниң атақлиқ кийимкечәк маркиси «Defacto» ниң украина базириға киргәнликини хәвәр қилди.

германийәниң «Der Spiegel» журнили, германийә ташқи ишлар министири һайко масниң «солинген шәһиридә йүз бәргән вә 5 түрк һайатидин айрилған ирқий айримчилиқ һуҗумиға сақ 25 йил болуп қалған болсиму, германийәдә һазирму германийәлик түркләрниң ирқий айримчилиққа учрап келиватқанлиқи толиму номус қиларлиқ бир әһвал» дегәнликини хәвәр қилди.

иранниң ирна хәвәр агентлиқи, түркийә пакистанға өзи ишләпчиқарған атак һуҗумчи тик учар айропиландин 30 данә сетишқа алақидар келишимни имзалиғандин кейин, икки дөләт оттурисидики дөләт мудапиә мунасвәтлириниң охшимиған басқучқа қәдәм қойғанлиқини хәвәр қилди.

русийә авази радийоси, русийә газини түркийә арқилиқ йавропаға йөткәйдиған түрк еқими тәбиий газ туруба лайиһәсидә 2линийәниң қурулуши башлиниш алдида икәнликини вә бу 2линийәниң 2019йилиниң ахириғичә тамамлинип болидиғанлиқини хәвәр қилди.

 әнглийәниң ройтерс агентлиқи, җумһур рәис рәҗәп таййип әрдоғанниң русийә пирезиденти владимр путин билән телфонда көрүшкәнликини вә сөһбәттә, сүрийәниң вәзийити, болупму енергийә саһәси қатарлиқ иқтисадий мунасвәтләрниң музакирә қилинғанлиқини хәвәр қилди.

  иранниң ирна хәвәр агентлиқи, түркийә дөләт хәвпсизлик кеңишиниң «түркийә давамлиқ пәләстин пиринсиплирини қоллап - қуввәтлиди вә пәләстинни хәлқаралиқ сәһниләрдә қоллашни давмлаштуриду» дегәнликини хәвәр қилди.

әнглийәниң б б с түркчә тор бети, ташқи ишлар министири мәвлүт чавушоғлуниң, «террорлуқ тәшкилати п к к ниң сүрийәдики гумаштиси й п г мунбичтин чекиниду» дегәнликини хәвәр қилди.

америкадики түркийәамерика тор бети, русийә пирезиденти владимир путинниң түрк еқими лайиһәсиниң йаропаға тутишидиған йөнүлүиши һәққидә түркийә билән давамлиқ мәслиһәтләшкәнликлирини ейтқанлиқини хәвәр қилди.

германийәниң «DW» интернет тор бети, дөлитимиз ташқи ишлар министири мәвлүт чавушоғлуниң, «йавропа иттипақи дөләтлири түркийәгә вә түркләргә қарши икки йүзлимичилик билән муамилә қилди» дегәнликини хәвәр қилди.



مۇناسىۋەتلىك خەۋەرلەر