18.05.2018

bu heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

18.05.2018

«AP» xewer agéntliqi, jumhur reis rejep tayyip erdoghanning «amérika xelqara jamaetchilikni közge ilmay, heq hoquq we adaletke hörmetsizlik qildi» dégenlikini xewer qildi.

amérikidiki türk amérikan tor béti, jumhur reis rejep tayyip erdoghanning «tarix we insaniyet pelestinliklerge qilinghan naheqchiliqlarni qetiy epu qilmaydu» dégenlikini xewer qildi.

amérikidiki türk amérikan tor béti, türkiyening firansiyening paytexti parizhda hepte axiri yüz bergen térrorluq hujumini eyibligenlikini xewer qildi.

rusiyening siputnik tor béti, medeniyet we sayahet ishliri ministiri numan qurtulmushning yilning deslepki charikide sayahhetchiler sani we sayahet kirimi jehettin rékot yaritilghanliqini bildürüp, «bu yil 40 milyon sayahetchining kélishini we 32 milyard dollar kirimni qolgha keltürimiz» dégenlikini xewer qildi. 

iranning pars xewer agéntliqi, jumhur reis rejep tayyip erdoghanning engliye bash weziri tirésa méy bilen ötküzgen birleshme axbarat élan qilish yighinida, «israiliye ishghaliyetchidur we bir térrorluq dölitidur» dégenlikini xewer qildi.

firansiyediki «Euronews» qanili, jumhur reis rejep tayyip erdoghanning engliye ziyariti dairiside, engliyening «Premier» birleshme komandisida putbol oynawatqan türk putbolchilardin jeng tosun, mesut özdil we ilkay gündoghan qatarliq putbolchilarning ziyaritini qobul qilghanliqini xewer qildi.

engliyening roytérs xewer agéntliqi, jumhur reis rejep tayyip erdoghan we ayali emine erdoghanning engliye ziyariti dairiside, paytext londonda, ayal padishah élizabét teripidin bukingham sariyida qarshi élinghanliqini xewer qildi.

gérmaniyening «Deutsche Welle» médiya orgini, jumhur reis rejep tayyip erdoghanning ghezzede israiliye eskerliri teripidin onlighan pelestinlikning shéhit qilinghanliqigha qattiq naraziliq bildürüp, «israiliyening qilghini bir irqiy qirghinchiliqtur» dégenlikini xewer qildi.

iranning «Parstoday» radiyo we intérnit béti, «türkiye ghezzede qetliam qilish bilen shughullanghan ishghaliyetchi israiliye hökümitining bash elchisining enqereni tashlap derhal dölitige qaytip kétishini telep qildi» serlewhisi astida xewer élan qildi.

amérikidiki türk amérikan tor béti, tashqi ishlar ministiri mewlüt chawushoghluning amérika tashqi ishlar ministiri mayk pompéyo bilen 4iyunda washingitonda körüshidighanliqini xewer qildi.

iranning «IRNA» xewer agéntliqi, tashqi ishlar ministiri mewlüt chawushoghluning «israiliyening ishghaliyiti astidiki jaylarda we bolupmu ghezzede ötküzgen bu qétimqi jinayetliri jawabsiz qalmasliqi lazim» dégenlikini xewer qildi. 



مۇناسىۋەتلىك خەۋەرلەر