18.05.2018

бу һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

18.05.2018

«AP» хәвәр агентлиқи, җумһур рәис рәҗәп таййип әрдоғанниң «америка хәлқара җамаәтчиликни көзгә илмай, һәқ һоқуқ вә адаләткә һөрмәтсизлик қилди» дегәнликини хәвәр қилди.

америкидики түрк американ тор бети, җумһур рәис рәҗәп таййип әрдоғанниң «тарих вә инсанийәт пәләстинликләргә қилинған наһәқчилиқларни қәтий әпу қилмайду» дегәнликини хәвәр қилди.

америкидики түрк американ тор бети, түркийәниң фирансийәниң пайтәхти парижда һәптә ахири йүз бәргән террорлуқ һуҗумини әйиблигәнликини хәвәр қилди.

русийәниң сипутник тор бети, мәдәнийәт вә сайаһәт ишлири министири нуман қуртулмушниң йилниң дәсләпки чарикидә сайаһһәтчиләр сани вә сайаһәт кирими җәһәттин рекот йаритилғанлиқини билдүрүп, «бу йил 40 милйон сайаһәтчиниң келишини вә 32 милйард доллар киримни қолға кәлтүримиз» дегәнликини хәвәр қилди. 

иранниң парс хәвәр агентлиқи, җумһур рәис рәҗәп таййип әрдоғанниң әнглийә баш вәзири тиреса мей билән өткүзгән бирләшмә ахбарат елан қилиш йиғинида, «исраилийә ишғалийәтчидур вә бир террорлуқ дөлитидур» дегәнликини хәвәр қилди.

фирансийәдики «Euronews» қанили, җумһур рәис рәҗәп таййип әрдоғанниң әнглийә зийарити даирисидә, әнглийәниң «Premier» бирләшмә командисида путбол ойнаватқан түрк путболчилардин җәң тосун, мәсут өздил вә илкай гүндоған қатарлиқ путболчиларниң зийаритини қобул қилғанлиқини хәвәр қилди.

әнглийәниң ройтерс хәвәр агентлиқи, җумһур рәис рәҗәп таййип әрдоған вә айали әминә әрдоғанниң әнглийә зийарити даирисидә, пайтәхт лондонда, айал падишаһ елизабет тәрипидин букиңһам сарийида қарши елинғанлиқини хәвәр қилди.

германийәниң «Deutsche Welle» медийа оргини, җумһур рәис рәҗәп таййип әрдоғанниң ғәззәдә исраилийә әскәрлири тәрипидин онлиған пәләстинликниң шеһит қилинғанлиқиға қаттиқ наразилиқ билдүрүп, «исраилийәниң қилғини бир ирқий қирғинчилиқтур» дегәнликини хәвәр қилди.

иранниң «Parstoday» радийо вә интернит бети, «түркийә ғәззәдә қәтлиам қилиш билән шуғулланған ишғалийәтчи исраилийә һөкүмитиниң баш әлчисиниң әнқәрәни ташлап дәрһал дөлитигә қайтип кетишини тәләп қилди» сәрләвһиси астида хәвәр елан қилди.

америкидики түрк американ тор бети, ташқи ишлар министири мәвлүт чавушоғлуниң америка ташқи ишлар министири майк помпейо билән 4ийунда вашингитонда көрүшидиғанлиқини хәвәр қилди.

иранниң «IRNA» хәвәр агентлиқи, ташқи ишлар министири мәвлүт чавушоғлуниң «исраилийәниң ишғалийити астидики җайларда вә болупму ғәззәдә өткүзгән бу қетимқи җинайәтлири җавабсиз қалмаслиқи лазим» дегәнликини хәвәр қилди. 



مۇناسىۋەتلىك خەۋەرلەر