09.03.2018

töwende bu bir hepte boyiche chet el metbuatlirida orun alghan türkiyege alaqidar bezi muhim xewerlerning qisqiche mezmunlirini huzurunglargha sunimiz.

09.03.2018

■ rusiye tas xewer agéntliqi, jumhur reis rejep tayyip erdoghanning firansiye pirézidénti imanuél makron bilen téléfonda körüshüp, süriye hakimiyitining muhasirisi astidiki sherqiy ghute kirizisqa chare tépish toghrisida sözleshkenlikini xewer qildi.

■ ezerbeyjan trend xewer agéntliqi, iqtisadqa mesul bash ministir yardemchisi mehmet shimshekning soda urushlirining resmiy bashlighanliqini éytqanliqini xewer qildi.

■ rusiye radiyo we xewer agéntliqi – sputnik, türkiye bilen yawropa ittipaqining amérika qoshma ishtatlirining polat importi béjini ashurushigha qarshi birlikte heriket qilishni pilanlawatqanliqini xewer qildi.

■ gérmaniyening déushé wéllé médiya orgéni, türkiyening süriyening idlib shehiri we öktichilerning kontrolluqi astidiki rayonlarda 170 ming kishi sighidighan toqquz musapilar lagéri qurushni pilanlawatqanliqini xewer qildi.

■ amérika s n n xewer qanili, amérika qoshma ishtatlirining enqerediki elchixanisining uduligha jaylashqan enqere soda bashqarmisi binasigha «héchkim térrorgha qarshi kürishimizni tosup qalalmaydu» dégen xet yézilghan  ay – yultuzluq chong lozunkining ésilghanliqini xewer qildi.

■ engliye b b s qanili, qeyseridiki erjiyes qishliq tenheriket merkizining 22- marttin 25 – martqiche bolghan ariliqta türkiyening tunji parashut chanasi dunya longqisini talishish musabiqisi ötküzidighanliqini xewer qildi.

■ amérika awazi radiyosi, türkiyening, chégradin ötüp herbiy rayongha kirgendin kéyin jasus bolush éhtimali nezerde tutulup qolgha élinghan 2 girétsiye eskirining rayonda tartqan foto – süretlirini tekshürüshke bashlighanliqini xewer qildi.

■ engliyening roytérs xewer agéntliqi, jumhur reis rejep tayyip erdoghanning iranliq mensepdéshi hesen ruhani bilen téléfonda körüshkenlikini, ikki rehberning süriyediki urush toxtitish xizmetlirining süritini ashurush boyiche birdeklik hasil qilghanliqini xewer qildi.


خەتكۈچ: gézit , radiyo , metbuat , chet el , uyghurche , türkiye

مۇناسىۋەتلىك خەۋەرلەر