09.03.2018

төвәндә бу бир һәптә бойичә чәт әл мәтбуатлирида орун алған түркийәгә алақидар бәзи муһим хәвәрләрниң қисқичә мәзмунлирини һузуруңларға сунимиз.

09.03.2018

■ русийә тас хәвәр агентлиқи, җумһур рәис рәҗәп таййип әрдоғанниң фирансийә пирезиденти имануел макрон билән телефонда көрүшүп, сүрийә һакимийитиниң муһасириси астидики шәрқий ғутә киризисқа чарә тепиш тоғрисида сөзләшкәнликини хәвәр қилди.

■ әзәрбәйҗан трәнд хәвәр агентлиқи, иқтисадқа мәсул баш министир йардәмчиси мәһмәт шимшәкниң сода урушлириниң рәсмий башлиғанлиқини ейтқанлиқини хәвәр қилди.

■ русийә радийо вә хәвәр агентлиқи – спутник, түркийә билән йавропа иттипақиниң америка қошма иштатлириниң полат импорти беҗини ашурушиға қарши бирликтә һәрикәт қилишни пиланлаватқанлиқини хәвәр қилди.

■ германийәниң деуше велле медийа оргени, түркийәниң сүрийәниң идлиб шәһири вә өктичиләрниң контроллуқи астидики районларда 170 миң киши сиғидиған тоққуз мусапилар лагери қурушни пиланлаватқанлиқини хәвәр қилди.

■ америка с н н хәвәр қанили, америка қошма иштатлириниң әнқәрәдики әлчиханисиниң удулиға җайлашқан әнқәрә сода башқармиси бинасиға «һечким террорға қарши күришимизни тосуп қалалмайду» дегән хәт йезилған  ай – йултузлуқ чоң лозункиниң есилғанлиқини хәвәр қилди.

■ әнглийә б б с қанили, қәйсәридики әрҗийәс қишлиқ тәнһәрикәт мәркизиниң 22- марттин 25 – мартқичә болған арилиқта түркийәниң тунҗи парашут чанаси дунйа лоңқисини талишиш мусабиқиси өткүзидиғанлиқини хәвәр қилди.

■ америка авази радийоси, түркийәниң, чеградин өтүп һәрбий районға киргәндин кейин җасус болуш еһтимали нәзәрдә тутулуп қолға елинған 2 гиретсийә әскириниң районда тартқан фото – сүрәтлирини тәкшүрүшкә башлиғанлиқини хәвәр қилди.

■ әнглийәниң ройтерс хәвәр агентлиқи, җумһур рәис рәҗәп таййип әрдоғанниң иранлиқ мәнсәпдеши һәсән руһани билән телефонда көрүшкәнликини, икки рәһбәрниң сүрийәдики уруш тохтитиш хизмәтлириниң сүритини ашуруш бойичә бирдәклик һасил қилғанлиқини хәвәр қилди.



مۇناسىۋەتلىك خەۋەرلەر