chet el metbuatlirida bü hepte 02.03.2018

bü heptilik chet el metbuatliridin tallap teyyarlighan xewerlirimizning qisqiche mezmunliri töwendikiche:

chet el metbuatlirida bü hepte 02.03.2018

rusiye awazi radiyosi: jumhur reis rejep tayyip erdoghanning chéxiye sot mehkimisining bölgünchi térrorluq teshkilati p k k ning süriye gumashtisi p y d y p g térrorchilirini qoyup bérish qarari üstide toxtilip, «bu qarar chéxiyeni térrorluqqa yardem qilghan dölet sewiyesige chüshürüp qoydi» dégenlikini xewer qildi.

 gérmaniyening «Deutsche Welle» axbarat orgini, tashqi ishlar ministiri mewlüt chawushoghluning bölgünchi térrorluq teshkilati p k k ning süriye gumashtisi p y d y p g kattbéshi salih muslimning qoyup bérilishige naraziliq bildürüp: «chéxiyege nota tapshurduq, bu ishni hergiz boldi qilmaymiz» dégenlikini xewer qildi.

makédoniyening «nowa makédoniye» géziti, «türkiye, amérikining elchixanisini quddusqa yötkesh qararigha qarita <tinchliqqa ziyan yetküzidi> dep baha berdi» dégen témida xewer élan qildi.

amérikining «CNN» xelqara xewer qanili, jumhur reis rejep tayyip erdoghan bilen firansiye pirézidénti makronning téléfonda körüshkenlikini we süriyening yéqinqi weziyiti shundaqla özara munasiwetler heqqide muzakirleshkenlikini xewer qildi.

rusiyening ria nowésti agéntliqining xewiride, «türkiye, amérika dölet mudapie ministirliqining türkiye-amérika otturisdiki afrin yirikchilikini töwenlitish üchün özara muzakirileshkenlikige dair xewerlirini yalghangha chiqardi» dégen melumatlargha orun ajritildi.  

iranning fars agéntliqi jumhur reis rejep tayyip erdoghan bilen özbékistan pirézidénti shewket mirzayéwning téléfonda körüshkenlikini we özara hemkarliqni tereqqiy qildurush muzakire qilinghandin bashqa yene, rayon xaraktérlik we xelqaraliq mesililer üstidimu pikir almasturulghanliqini xewer qildi.

amérika-türkiye tor munbiri, amérikining chikago shehiride erméniyeliklerning ezerbeyjan türklirige qarshi élip barghan xojali qetliamigha qarshi naraziliq namayishi ötküzülgenlikini xewer qildi.

qirim xewer agéntliqi, armiye bash ishtab bashliqi xulusi aqarning: «afrin rayonida térrorchilar we térrorchilargha yardem qiliwatqan tashqi küchler meghlubiyetke uchraydu» dégenlikini xewer qildi.

amérika- türkiye tor munbiri, türkiyeamérika otturisidiki mesililerge hel qilish charisi tépish uchrishishlirining 8 - martta bashlinidighanliqini xewer qildi.

rusiyening supitnik intérnét tori, amérikining «b d t xewpsizlik kéngishi qarari türkiye teripidin her jehettin yaxshi oqup körüshi lazim» dégen éniqlimilirigha qarita, türkiyening «bu héchbir asasi bolmighan éniqlima» dégenlikini xewer qildi.

engliyening «BBC» qanili, iraq, kerkük néfiti qaytidin türkiye arqiliq éksport qilinidighanliqini  xewer qildi.

rusiyening supitnik intérnét torining xewiride, rusiye yéza igliki mehsulatliri tekshürüsh ajantasi axbarat ishliri bayanatchisi yuliya mélanoning 5 - marttin étibaren türkiyedin pédigen, anar, much, büdür, kawa we tatliq kawa mmport qilishtiki tosalghularni emeldin qalduridighanliqini élan qilghanliqi bildürüldi.

gérmaniyening «DPA» agéntliqi, tashqi ishlar ministiri mewlüt chawushoghluning 7mart charshenbe küni dunyaning eng chong sayahet yermenkisi hésablinidighan bérlin sayahet yermenkisini ziyaret qilidighanliqini xewer qildi.

engliyening roytérs agéntliqining xewiride, türkiye tashqi ishlar ministirliqi bayanatchisi hami aqsoyning b d t xewpsizlik kéngishining süriyede urush toxtitish qararini amérikining burmilawatqanliqini, urush toxtitish qararining afrindiki térrorchilarni öz ichige almaydighanliqini, amérikining bu pozitisyesining térrorizmgha yardem qilghanliq bolidighanliqini bildürgenliki qeyt qilindi. 

amérika awazi radiyosi, amérika dölet mudapie ministirliqining «türkiye bilen afrin yérikchilikini töwenlitish üchün déplomatik muzakire ötküzüldi» dégen bayanatini türkiyening yalghangha chéqarghanliqini xewer qildi.

engliyening «BBC» médiya orgini, jumhur reis rejep tayyip erdoghan we rusiye pirézidénti wladimir putinning tirishchanliqi bilen süriyede esed qisimlirining qorshawi astidiki sherqiy ghutedin bir guruppa puqralarni yötkeshte utuqqa érishilgenlikini xewer qildi.

iranning fars xewer agéntliqi, aldinqi yili irandin 2 yérim milyon sayahetchining türkiyeni ziyaret qilghanliqini, gérmaniyedin qalsila türkiyeni eng köp sayahet qilghanlarning iran sayahetchiliri ikenlikini xewer qildi. 

gérmaniyening «Deutsche Welle» axbarat oginining xewiride, «yawropa ittipaqigha eza döletler türkiyeni naheq tenqid qilishta téximu diqqet qilishi lazim.  chünki türkiye yawropa ellirige yüzlengen köchmenler éqinini tosup qilishta hazirmu waz kéchishke bolmaydighan shérikimizdur» dégenlerge alahide orun ajritildi. 

 



مۇناسىۋەتلىك خەۋەرلەر