чәт әл мәтбуатлирида бү һәптә 02.03.2018

бү һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

чәт әл мәтбуатлирида бү һәптә 02.03.2018

русийә авази радийоси: җумһур рәис рәҗәп таййип әрдоғанниң чехийә сот мәһкимисиниң бөлгүнчи террорлуқ тәшкилати п к к ниң сүрийә гумаштиси п й д й п г террорчилирини қойуп бериш қарари үстидә тохтилип, «бу қарар чехийәни террорлуққа йардәм қилған дөләт сәвийәсигә чүшүрүп қойди» дегәнликини хәвәр қилди.

 германийәниң «Deutsche Welle» ахбарат оргини, ташқи ишлар министири мәвлүт чавушоғлуниң бөлгүнчи террорлуқ тәшкилати п к к ниң сүрийә гумаштиси п й д й п г каттбеши салиһ муслимниң қойуп берилишигә наразилиқ билдүрүп: «чехийәгә нота тапшурдуқ, бу ишни һәргиз болди қилмаймиз» дегәнликини хәвәр қилди.

македонийәниң «нова македонийә» гезити, «түркийә, америкиниң әлчиханисини қуддусқа йөткәш қарариға қарита <тинчлиққа зийан йәткүзиди> дәп баһа бәрди» дегән темида хәвәр елан қилди.

америкиниң «CNN» хәлқара хәвәр қанили, җумһур рәис рәҗәп таййип әрдоған билән фирансийә пирезиденти макронниң телефонда көрүшкәнликини вә сүрийәниң йеқинқи вәзийити шундақла өзара мунасивәтләр һәққидә музакирләшкәнликини хәвәр қилди.

русийәниң риа новести агентлиқиниң хәвиридә, «түркийә, америка дөләт мудапиә министирлиқиниң түркийә-америка оттурисдики африн йирикчиликини төвәнлитиш үчүн өзара музакириләшкәнликигә даир хәвәрлирини йалғанға чиқарди» дегән мәлуматларға орун аҗритилди.  

иранниң фарс агентлиқи җумһур рәис рәҗәп таййип әрдоған билән өзбекистан пирезиденти шәвкәт мирзайевниң телефонда көрүшкәнликини вә өзара һәмкарлиқни тәрәққий қилдуруш музакирә қилинғандин башқа йәнә, район характерлик вә хәлқаралиқ мәсилиләр үстидиму пикир алмастурулғанлиқини хәвәр қилди.

америка-түркийә тор мунбири, америкиниң чикаго шәһиридә әрменийәликләрниң әзәрбәйҗан түрклиригә қарши елип барған хоҗали қәтлиамиға қарши наразилиқ намайиши өткүзүлгәнликини хәвәр қилди.

қирим хәвәр агентлиқи, армийә баш иштаб башлиқи хулуси ақарниң: «африн районида террорчилар вә террорчиларға йардәм қиливатқан ташқи күчләр мәғлубийәткә учрайду» дегәнликини хәвәр қилди.

америка- түркийә тор мунбири, түркийәамерика оттурисидики мәсилиләргә һәл қилиш чариси тепиш учришишлириниң 8 - мартта башлинидиғанлиқини хәвәр қилди.

русийәниң супитник интернет тори, америкиниң «б д т хәвпсизлик кеңиши қарари түркийә тәрипидин һәр җәһәттин йахши оқуп көрүши лазим» дегән ениқлимилириға қарита, түркийәниң «бу һечбир асаси болмиған ениқлима» дегәнликини хәвәр қилди.

әнглийәниң «BBC» қанили, ирақ, кәркүк нефити қайтидин түркийә арқилиқ експорт қилинидиғанлиқини  хәвәр қилди.

русийәниң супитник интернет ториниң хәвиридә, русийә йеза иглики мәһсулатлири тәкшүрүш аҗантаси ахбарат ишлири байанатчиси йулийа меланониң 5 - марттин етибарән түркийәдин педигән, анар, муч, бүдүр, кава вә татлиқ кава ммпорт қилиштики тосалғуларни әмәлдин қалдуридиғанлиқини елан қилғанлиқи билдүрүлди.

германийәниң «DPA» агентлиқи, ташқи ишлар министири мәвлүт чавушоғлуниң 7март чаршәнбә күни дунйаниң әң чоң сайаһәт йәрмәнкиси һесаблинидиған берлин сайаһәт йәрмәнкисини зийарәт қилидиғанлиқини хәвәр қилди.

әнглийәниң ройтерс агентлиқиниң хәвиридә, түркийә ташқи ишлар министирлиқи байанатчиси һами ақсойниң б д т хәвпсизлик кеңишиниң сүрийәдә уруш тохтитиш қарарини америкиниң бурмилаватқанлиқини, уруш тохтитиш қарариниң африндики террорчиларни өз ичигә алмайдиғанлиқини, америкиниң бу позитисйәсиниң терроризмға йардәм қилғанлиқ болидиғанлиқини билдүргәнлики қәйт қилинди. 

америка авази радийоси, америка дөләт мудапиә министирлиқиниң «түркийә билән африн йерикчиликини төвәнлитиш үчүн депломатик музакирә өткүзүлди» дегән байанатини түркийәниң йалғанға чеқарғанлиқини хәвәр қилди.

әнглийәниң «BBC» медийа оргини, җумһур рәис рәҗәп таййип әрдоған вә русийә пирезиденти владимир путинниң тиришчанлиқи билән сүрийәдә әсәд қисимлириниң қоршави астидики шәрқий ғутәдин бир гуруппа пуқраларни йөткәштә утуққа еришилгәнликини хәвәр қилди.

иранниң фарс хәвәр агентлиқи, алдинқи йили ирандин 2 йерим милйон сайаһәтчиниң түркийәни зийарәт қилғанлиқини, германийәдин қалсила түркийәни әң көп сайаһәт қилғанларниң иран сайаһәтчилири икәнликини хәвәр қилди. 

германийәниң «Deutsche Welle» ахбарат огининиң хәвиридә, «йавропа иттипақиға әза дөләтләр түркийәни наһәқ тәнқид қилишта техиму диққәт қилиши лазим.  чүнки түркийә йавропа әллиригә йүзләнгән көчмәнләр еқинини тосуп қилишта һазирму ваз кечишкә болмайдиған шерикимиздур» дегәнләргә алаһидә орун аҗритилди. 

 



مۇناسىۋەتلىك خەۋەرلەر