чәт әл мәтбуатлирида бү һәптә 09.02.2017

бү һәптилик чәт әл мәтбуатлиридин таллап тәййарлиған хәвәрлиримизниң қисқичә мәзмунлири төвәндикичә:

чәт әл мәтбуатлирида бү һәптә 09.02.2017

 

иран фарс хәвәр агентлиқи, иран дөләтлик газ ширкити баш мудири һамид риза ирақиниң «иран түркийәгә болған газ қәрзини төләш мәслисидики келишәлмәсликләр пүтүнләй һәл болди» дегәнликини хвәрә қилди. 

фирансийәниң «AFP» агентлиқи җумһур рәис рәҗәп таййип әрдоғанниң ватикандики рәсмий зийарити җәрйанида католикларниң руһани рәһбири папа фиранкискус билән айрим учришиш елип барғанлиқини хәвәр қилди. 

грозийәниң «Interpressnews» агентлиқи «баш министир бинали йилидирим зәйтун шехи һәрбий һәрикитиниң мәқситиниң түркийәниң дөләт бихәтәрликини ишқа ашуруш икәнликини ейтти» дегән хәвәргә алаһидә орун аҗратти.  

америкидики түркийә – америка хәвәр мунбири түркийәдә 2016 – йилиға сиелитурғанда алдинқи йили машинисазлиқ ишләпчиқириш нисбитиниң %13 ешип, 1 милйон 674 миңға йәткәнликини, аптомобил ишләпчиқиришиниңму %18 пирсәнт ешип 1 милйон 121 миңға йәткәнликини, машинисазлиқ вә аптомобил ишләпчиқириши җәһәттә әң йуқири сәвийәгә йәткәнликини хәвәр қилди.

америка авази радийосиниң интернет бетиниң хәвиридә, «түркийә ташқи ишлар министири мәвлут чавушоғлу америкиниң террорлуқ тәшкилати й п г ға бәргән йардәмлириниң түркийә – америка ортақлиқини зәһәрлигәнликини ейтти» дегәнләргә орун бәрди.

германийәниң «DW» интернет бети, түркийә муавин баш министири вә һөкүмәт байанатчиси бәкир бозтағниң голландийә билән дипломатик мунасивәтләрниң давамлашқанлиқини ейтқанлиқини хәвәр қилди.

америка авази радийосиниң интернет бети, түркийәдин америкиға террорлуқ тәшкилати п й г һәққидә «террорчиларниң кейимини кейгәнләр бизниң һуҗум нишанимиз болиду» дегән сигнал йолланғанлиқини хәвәр қилди.

қирим хәвәр агентлиқи «түркийә челишта 82 йилдин буйан олимпик, хәлқаралиқ вә йавропа чемпийонлуқ талишиш мусабиқилирида җәмий 1512 медалийонға еришип, дунйа бойичә әң көп медалийонға еришкән дөләт болди» дегән хәвәргә алаһидә орун аҗратти.

германийәниң «DPA» агентлиқи йавропа иттипақиниң җумһур рәис рәҗәп таййип әрдоғанни 26 – мартта булғарийәниң варна шәһиридә өткүзүлидиған алий дәриҗилик рәһбәр йиғиниға тәклип қилғанлиқини хәвәр қилди. 

америкиниң «AP» агентлиқи җумһур рәис рәҗәп таййип әрдоғанниң партийә гуруппа йиғинида, америка әскәрлирини мунбичтин чекинишкә чақирғанлиқини хәвәр қилди.

германийәниң «DW» интернет бети, түркийә ташқи ишлар министири мәвлүт чавуоғлуниң «америка ташқи ишлар министири рекс тиллерсонниң түркийә зийарити җәрйанида, америкиниң террорлуқ тәшкилати п й д ға йардәм беришни тохтитишини очуқ сөзлишимиз» дегәнликини хәвәр қилди.

қирим хәвәр агентлиқи түркийәниң негирийәни електир билән тәминләйдиған болғанлиқини хәвәр қилди.

америка авази радийоси, җумһур рәислик байанатчиси ибраһим калинниң түркийәгә виза кәчүрүм қилиниши үчүн йавропа иттипақи тәрипидин қойулған 72 шәртни толуқ орндиғанлиқини ейтқанлиқини хәвәр қилди.

қирим хәвәр агентлиқи җумһур рәис рәҗәп таййип әрдоған билән русийә пирезиденти виладимир путин оттурисидики телефон сөһбитидә, африн вә идлиб қатарлиқ сүрийәниң йеқинқи вәзийити үстидә музакириләшкәнликини хәвәр қилди.

иран фарс хәвәр агентлиқи иран пирезиденти һәсән руһаниниң «түркийә билән мунасивәтләрни тәрәққий қилдуруш иранниң муһим сийаситидур» дегәнликини хәвәр қилди.

иран фарс хәвәр агентлиқи түркийә вә өзбекистан җумһур рәислири оттурисида өткүзүлгән телефон сөһбитидә, әнқәрә вә ташкәнт даирилири көп тәрәплимилик мунасивәтләрниң техиму тәрәққий қилдурулиши үстидә музакириләшкәнликини хәвәр қилди.



مۇناسىۋەتلىك خەۋەرلەر